يازيـن شـب النـار بـأرض بيـاحـي=والـزول يزميلـي علـى مـد شوفـي
والبيـت مبنـي والرعايـا ضـواحـي=وانتـه تمشـى مـع نبـات الحـروفـي
أخـيـر مــن ذبـحـا بـلـيّـا سـلاحــي=بقـبـوت الحيـيـن مـثـل الضـعـوفـي
ببيوتـنـا مـثـل الـدجــاج الـمـداحـي=متشفـقـا عـقـب الـشـداد الـردوفــي
ياوب خلف صاحي ولاني بصاحي=بـس اتلفـت مـثـل راس الخـروفـي
خـروفـا ادلــم مايـعـرف المتـاحـي=وراعيـه جابرتـه علـيـه الظـروفـي
ابكي على وقت حضرتـه وراحـي=اتــلاه يامـحـمـد نـهــار الكـسـوفـي
ياحيـف ويــن مـورديـن الرمـاحـي=اللي نهـار الكـون تـروي السيوفـي
يالخـس ويــن مطـيـر هكالنـواحـي=سلـفـان مـثـل مـزبــرات القـنـوفـي
تسـايـروا ثــم صـوتـوا بالـفـلاحـي=هيهـات يامـا فـرقـوا مــن شفـوفـي
خذتـهـم الدنـيـا هـجــاد وصـبـاحـي=وحـنّـا بقيـنـا عـقـب هكالصـفـوفـي
صار العوض فيهم خطاة الضياحي=يـاعـنـك مـاكــدٍ عـلـيـه مـخـلـوفـي
البـطـن ماتلـحـق علـيـه الشـبـاحـي=وان نــام مايـاعـي كبـيـر الدفـوفـي
يالـخـس يومـنـه تـكـسـر جـنـاحـي=مانـي علـى الدنيـا كثيـر الحسوفـي
الـيـوم مـوتـي والـحـيـاة مـتـواحـي=يابو خلـف منكـف وعايـف وموفـي
الـــى تهـيـالـي غـــزال الـبـراحـي=مـالـي بصـيـد مخبـطـات البـلـوفـي
يابـو خلـف ذا منهجـي واقتـراحـي=وانتـه عـلـى رد المثـايـل عـروفـي
ورد عليه الشاعر محمد الخس فقال:::
ياسحـلـي الـعـواي منـتـه مـبـاحـي=ياللي تقـول انـك حوالـي صفوفـي
الفـرق واســع للسنـيـن امتـراحـي=قـدام اجـي وانتـه تغـيـر وتحـوفـي
لاشـك معـي انتـه تحـب المزاحـي=وزلتـك عنـدي يالسنـافـي تطـوفـي
وتقول انـا يالخـس مانـي بصاحـي=واقـول منـت بصاحيـا ومهـروفـي
ياللي تبـي وقـت لـه اسنيـن ماحـي=يـوم القبـايـل بـيـن امــانٍ وخـوفـي
يـوم يحـدا الخيـال قــدم الطيـاحـي=والوقت زين وبأهـل الوقـت نوفـي
يوم اصطفاق امفصمـات اللواحـي=فـجّ الزّغـون مقولـمـات الخفـوفـي
مركـوب فرسـان تـبـوج الفيـاحـي=دايـم لـوجـه الله عليـهـن ضيـوفـي
دايــم يتـلـون النـضـى بالمشـاحـي=ايضـا ومعـهـم كــل قـبـا شعـوفـي
ليـا طالـع السبـار شعـل وشقـاحـي=قالـوا عليـهـا ماسمـعـت المعـوفـي
مافعـلـهـم بالهـنـدسـه والمـسـاحـي=بالسيـف الاملـح فعلـه والكشـوفـي
كـم فـارس منهـم تجنـدل وطـاحـي=الى جودوا خضر النمش بالكفوفي
مايطلبـون الـرزق عنـد الشحاحـي=الـرزق بيديـن الرحـوم العطـوفـي
ارزاقهم حـدر الدخـن والصياحـي=مثـل السـبـاع مــدورات العلـوفـي
كــم رفـرفـت راياتـهـم بالنجـاحـي=واليـوم وقـتـا راح جعـلـه ذلـوفـي
يابـو فهيـد اسحـب ذلاق المشاحـي=الجـيـل الاول لــه عـيـال وقـوفـي
امطيـر فـي ديـرة طيـور الفلاحـي=اللـي بـهـم عــز وذرا ومعـروفـي
بين السعود وبيـن نسـل الصباحـي=فـي نعمـة مامثلهـا فـي الوصوفـي
شبعـه وامـان وراحـة وانبطـاحـي=ومنيـن ماوجهـت جـبـت الالـوفـي
17-10-2006, 01:48 PM
العرض العادي
