,’,’,’ الى لعبت السيـــف أكســر شطيـــرك ...النـــود والندّ ,’,’,’

[مشاعر حالمه]

السلام عليكم ورحمة الله وبركاته

النــود كتبت ابيات كثيره لكن راح اضع هنا قصيدتين واتمنى تحوز على اعجابكم ..

أول وحده

,’,’,’ النــــدّ ,’,’,’

وطبعاً لها مناسبه

كانك تقول الند فوالله انا الندّ = ند(ن) معك ومع مليون غيرك
أبعد من الجوزا وأقوى من السدّ = وأسى من الفولاذ الله يجيرك
لانيب من يعطي ولانيب من ردّ = ولاهمني كثر الذهب مع حريرك
دربي على العليا ومعرّبة جدّ = والى لعبت السيف أكسر شطيرك
آخذ قسات النود سلمي معه حدّ = تتعب معي جندك ويتعب وزيرك
لي صيت وما نشـاف ابعد من الحد= مثل القمر يبعد عليك وينيرك

القصيده الثانيه

,’,’, مابــه خيــر ,’,’,

يقولون لي بسّك وانا مابه خير = وخلّوا حزين النفس يسخي بماطرها
اهوجس واقول ياسعد ذاك الطير= طليقن يدوّر الارض والدار خابرها
الا ياليتني مثلك واسيّر معك ياطير = اخاويك في دنيا كثير(ن) مخاطرها
اشوف الحزين اللي ذبحني بلا تبرير = يونّ وونينه شلّ روحي من آخرها
ابيه وحداني الحظ وقصر عنه السير = وحال البحر دونه عسى الله يدبرها
احبه وهو اغلى البشر مابها تفكير = وقصيدة غلاه بكل لحظه أكررها

وصح السان الشاعره

تحيتي لكم /مشاعرحالمه

[kou]

لاهنتي اختي مشاعر انتي والخت العزيزه النود على هذهي القصدتين الجزيلتين الرائعه

والمشبعه بالمعنى الجميل


<<<<<يفكر يتوقع النود =مشاعر حالمه ؛)


تحياااااااااااااااااااااتي

[مشاعر حالمه]

وراد المنايا



لا والله اتمنى اقدر اكتب مثل النـــود

بس النــود هي النود ومشاعر هي مشاعر

مشكور اخوي ولاهنت على المرور

تحيتي لك / مشاعر حالمه

[جطلي بن فهد]

الله الله
البداع والله فيكم ثنتينكم مبدعين
انا معجب بالقصائد الي قالتها النود وهذا لايقلل من شانكي
ابداع لايوصف

[سراااااااااااااااب]

صح لسانج

ابداع؛ جزاله ؛ كلمات روعه

تسلمين على القصيدتين

اخــــــــــتــــــــــــج

سرااااااااااااااب

[مشاعر حالمه]

سماوي بن نجم

تسلم اخوي

والنود تستاهل كل خير والله

والابداع حضورك اخوي ويوصلها اعجابك ولاهنت

تحيتي لك / مشاعر حالمه

[(هاوي قصيد)]

مشاعر حالمه .,,,,
صح الله اللسان الشاعره النود , ولاهنتي على النقل
تقبل مروري

[مشاعر حالمه]

سراب

تسلمين فديت عمرج وصح ابدنج ولاهنتي

تحيتي لج / مشاعر حالمه