|| قصائد الشاعر الكبير / فلاح القرقاح || امام خادم الحرمين الشريفين في منطقة عسير

[سفير الهيلا]

السلام عليكم ورحمة الله وبركاته

يسرني أن أنقل القصائد الثلاث للشاعر الكبير / فلاح القرقاح

والتي القاها أمام خادم الحرمين الشريفين الملك عبدالله بن عبدالعزيز

أثناء تشريفه حفل أهالي منطقة عسير يوم الخميس 11/10/1427هـ


القصيدة الأولى





الرعد والبـرق والغيـم وانسـام الهبـوب
والمزون اللي تشـوق العيـون نصوبهـا
ساقها الرحمن من كل حدب وكـل صـوب
والتقت من فـوق قمـة عسيـر دروبهـا
نطحت السحب الركاميـة جبـال الجنـوب
وفي سماها ذابـت جنوبهـا فـي جنوبهـا
الشوامخ لبست الثلج والماء لبـس ثـوب
والسهـول استقبلـت ضيفهـا باسلوبهـا
الارض صارت تحت زخم النوامي والعشوب
جـادلٍ صبحيـة العيـد تلبـس ثوبـهـا
عيطموس وبنت شيـخٍ معنـز ومحسـوب
فتنـةٍ مـن ناصيتهـا الــى عرقوبـهـا
ربعَت بقـدوم غيـث المنـازل والقلـوب
المـلـك عـبـدالله محبـهـا محبوبـهـا
حاكم يرهيٍ على شعـب ويسانـد شعـوب
ويدعـم الامـة وحكامـهـا وشعوبـهـا
جنُب بـلاده الاهانـة وويـلات الحـروب
يوم غيره صـارو اذنـوب فـوق ذنوبهـا
مرحبا بك يا أبيض الوجه حـلال الكـروب
في الظروف اللي تهول العقـول خطوبهـا
بين أهل صدق موالين مـا فيهـم كـذوب
استغلـوا فرصـة قدومـك وفرحـوا بهـا
انت بأمر مكـون الكـون عـلام الغيـوب
قبـل تملـك مملكتهـا ملـكـت قلوبـهـا
وابو خالد مرحبا بـه تراحيـب الوجـوب
عد نـور الشمـس وشروقهـا وغروبهـا
ياهلا يا رمز الاخلاص والجهـد الـدؤوب
لا احضرت اهل المواجيب في مـا جوبهـا
في ديارك وانت فيها يا سلطـان محبـوب
ابـرك الايـام يـوم يجيـبـك صوبـهـا
عشت والي عهد غيث المنـازل والقلـوب
المـلـك عـبـدالله محبـهـا محبوبـهـا
حاكمٍ يرهي على شعـب ويسانـد شعـوب
ويدعـم الامـة وحكامـهـا وشعوبـهـا




.

القصيده الثانيه






يا سيـدي قبـل تقريبـا ثلاثيـن عـام
سقت اول خطاي بين البيـت والمدرسـة
ودرست كل الكلام اللـي عليـه الكـلام
في الفقه والجبر والتفسيـر والهندسـة
قريت سيـرة رسـول الله خيـر الانـام
وادركت ليش الوطـن يستاهـل نقدسـه
وعرفت كيف انتصر عبدالعزيـز الامـام
ووحـد وطنـا ولـم اشتاتـه وسيسـه
وزميلي اصبح مثالي في الادب والنظـام
يهتـم فـي كتبـه ويهتـم فـي ملبسـه
اللي من اول يشيل مسدسه فـي الحـزام
صار قلمـه محزمـه وكتابـه مسدسـه
الطالب اكـرم بعلـم وتربيـه واهتمـام
والحر يفـرح بـه الصقـار لا قرنسـه
حصل على ملبس ونقل وشراب وطعـام
وجوايـز تدفـعـه للعـلـم وتحمـسـه
حمـلات وزارة الصحـة تجـي بانتظـام
بوقايـةٍ مـن جراثيـم الوبـا تحرسـه
العلم يمحى الجهل والنور يجلـى الظـلام
لولا الفكر فضِـل العامـل علـى ريَسـه
كنا بدو قح نجهـل حتـى آداب السـلام
والجهل لو جا على العود الخضر يبسـه
احدٍ يسوق النخل واحدٍ يسـوق الجهـام
وأحدٍ ورى الصيد كامل جهـده يكرسـه
كم خشف ريمٍ ما يرعى الا غصون البشام
خلى المشوك مع الصفره يصـك نفسـه
رغم الفقر والمشقه والظـروف الجسـام
ما منا رجال عن ضيفـه قفـل مجلسـه
بجهودكم ياهـل العوجـا بلغنـا المـرام
عز الله انها جهـود مـا هـي بمفلسـه
التنميـة والبنـا والـبـذل والاحـتـرام
يشهد لهـا الواقـع اللـي كلنـا نلمسـه




.

القصيده الثالثه





بريةٍ ما طـب فـي السـوق نوعهـا
بهارهـا غالـي وحـالـي قدوعـهـا
خيـرة ثمـار الباسقـات المشمرخـة
خضر الجريد اللـي طـوال فروعهـا
عـز الله ان فنجالهـا يبعـد الـخـوا
وهـاذي مواطنهـا وهـاذي ربوعهـا
يا خـادم البيتيـن يـا حاكـم الوطـن
حجابهـا لا خفـت وطـار شوعـهـا
يا نورنا الوهـاج فـي ديجـر الدجـى
درع الجزيرة مـن ضماهـا وجوعهـا
صقر العروبـة مـن بحرهـا لبرهـا
ذخر أمـة محمـد مطبـق شروعهـا
حلال عسرات القضايـا ليـا اصبحـت
صعـبٍ تقدمهـا وصعـبٍ رجوعهـا
حقنـت دم الأمـة الـلـي تنـاحـرت
ووحـدت كلمتهـا وهديتهـا روعهـا
واللي ورى القضبـان فرجـت كربتـه
رفيـت خـلاتٍ مـا ترفـى شلوعهـا
ولو نبغي نعـدد خصالـك يـا سيـدي
ناخذ سنـة مـن سبتهـا لا ربوعهـا
يهناك حـب الشعـب باكمـل طوايفـه
ويهنـاك نفـس مـا تغيـر طبوعهـا
وقلبٍ يحـس بكـل شـيٍ نحـس بـه
وجــوارحٍ لله عـجـلٍ خشوعـهـا
وعينٍ باذن من سلسل الماء من السماء
يوم القيامـة تشهـد الهـا دموعهـا
واخوك ابو خالد ولي عهـدك الوفـي
راعي الجهـود اللـي كبـارٍ نفوعهـا
سلطان سلطـان النواميـس والسعـد
امانهـا ومـروع الـلـي يروعـهـا
غيث الضعيَـف والمعـوق والارملـة
اللـي مـن الفرقـا ولعهـا يلوعهـا
جتها الفجيعـة فـي شريـدة رجالهـا
ومـن البكـا بغـت تحطـم ضلوعهـا
هو سترها الضافي وهو ستر غيرهـا
لان المكـارم تنثنـي لـه بطوعـهـا
وأنتوا يا ابو متعب ذرانا من القصـى
لازاع حـزات الرخـا مـا يزوعـهـا
وحنا علـى الميثـاق والعهـد والـولا
قوة وطـن تجلـى الملامـة وقوعهـا
آمالـنـا فيـكـم كبـيـرة ودارنــا
نبغي معزتهـا مـا نبغـي خضوعهـا
العالـم الثـالـث لا بــد نتـجـاوزه
ونكبـر الفرحـه ونوقـد شموعـهـا
نـدرس جديـد التقنـيـة ونتعلـمـه
ونعرف طرايقهـا ونعـرف سنوعهـا
ونبنـي لنـا صـرحٍ يليـق بمقامنـا
له طلعـةٍ يشـوف الاعمـى طلوعهـا
عدواننـا عــارٍ عليـنـا سلاحـنـا
ان كـان مـا قمنـا نفـرق جموعهـا
حـنـا لدولتـنـا جـنـودٍ مجـنـدة
حنـا ذخايـرهـا وحـنـا دروعـهـا

منقول وسامحونا على القصور وترى في مقاطع صوت بس المعذره عندي مشكله بالكمبيوتر ما أقدر أحمل المقاطع

تحياتي للجميع

[وثيلان]

كفيت و وفيت ومشكوور على القصايد وصح لسانه وتسلم يمينك على النقل

[أبن معوض]

صح الله لسانك ولسان بن ريفه
مشكور على النقل.

[الاحرش]

صح لسانك ولسان شاعرها

ويعطيك العافية على هالنقل

ولاهنت

[عيد بن شدقان]

وعليكم السلام ورحمة الله وبركاته

صح السان الشاعر المبدع/فلاح القرقاح
سفير الهيلا

اختيارات رائعه
لاهنت




والله يعطيك الف عافيه

[سفير الهيلا]

صرام أبن معوض الاحرش عيد بن شدقان الله لايهينكم جميعا على مروركم العطر وبيض الله وجيهكم

تحياتي لكم

[ولدمطير]

هذاي محاوره لشاعر الوطن تركي 2000



محاوره بين الشاعرتركي عطا الله الميزاني المطيري
والــشاعــر صــاحـب الســمو الامــير خــالد بن سعود الكــبير


تركي:



سلام الله سلام (ن) للعلـوم الطيبـه عنـوان
واعرف معزبه والظيف في حكمة معازيبـه
وانا لي صاحب (ن)ماينطق الكلمه بلا برهان
ابا اسولف معه والعلم يدريبه وانـا ادريبـه




خالد بن سعود الكبير:



الا يامرحبا واهلا بقلطة شاعر المطران
تراحيب (ن)لها بالصدر تشريقه وتغريبه
وانا ياصاحبي ماني بمثلك لشعر ميزان
ترفقبي ترى توي غشيم وداخلي ريبـه



تركي:




يدوم لك البقا والطير مايكفخ بـلا جنحـان // وانا خابرك صقر وكل صقر(ن)له مخاليبه
سبحنا في البحور الي تضم اللولو والمرجان// واخذنا مانبي والوقت ماتصفـى مشاريبـه





خالد بن سعود الكبير:




صحيح الوقت مايصفى وتعكير الزمان الوان
واشوف الخايبه تعجب وهذي والله مصيبـه
غدى عند الهزيله شان والجزله ثمنهـا هـان
وسف الكذب والتهريج اشوف الناس تغزي به




تركي:




اشوف اللي تشوفه طال عمرك يالله الغفران
واشوف الناس قامت تبتسم بسنون تركيبـه
لو ان اللي بنى البيت المسمى ثبت العمـدان
ماشفنا الريح تلعب بين ذرياتـه واطانيبـه





خالد بن سعود الكبير:




يا كيف الحل والحاله سفينـه مالهـا ربـان .// يمشيها الهوى من حيـث ماهبـت دواليبـه
عربها ترقص وتزف على حس الوتر و الدان// يحسبون المعاني صولها من جاب لـه خيبـه




تركي:



اظن الحل نتركهـا تهيـم بغبـة النسيـان// عسها من نصيب القيض لا هبت ملاهيبـه
لو ان النابغة مخطي ماعود بالرضى حسان// ويكفينا رضى حسان والوقـت وتجاريبـه






خالد بن سعود الكبير:




انا خابرك ميزاني وربعـك كلهـم شجعـان
علامك عرَ ض لـك هدفهـا ماتضحـى بـه
ترى صمتك عن الغاوي وتصديدك عن الخوان
عذاب(ن)للضمير الحي ولا في هرجتك غيبـه






تركي:




انا مثلت فيك القاف مامثلت فيـه فـلان
وطبعي كل مقفي ملحقه واشذب عراقيبه
نبي نبعد عن المنقود والمشروه مهما كان
ولا نفرح على المسلم اذا كثرة عذاريبـه





خالد بن سعود الكبير:




اجل بنشدك عن فيل(ن)يحب مغازل النسوان
تضيق ابه الاماكن والمداخل مـن لغابيبـه
يقول إلهن انا الساحر وانا الباهر وانا الفنان
وهو ياكل شنق غيره وكل (ن)داري بعيبه





تركي:





سمعت انه على كبره يحس بعقدة النقصان
مجند له رعـاة تمدحـه وتقـول ياطيبـه
لكن الفيل يبقى فيل يوم أن الحصان احصان
وضلع طويق ماكل(ن)يبي المرقى يعدي به





خالد بن سعود الكبير:




مابين ممسح الريضان وبين ملهي الرعيـان
غدى ما للجزاله دور ولا لاهل السنع هيبـه
الا يال الزمان الشين الا يال ضيعة الوجدان
نزل في سوق ابن قاسم وكل(ن)قال كم هي به





تركي:




من اول كنت يا هداج تيما تروي الضميـان
لكن اليوم جمـك مانذوقـه مـن غثاريبـه
لابد الوقت يكشف من هو الرابح من الخسران
وكل(ن)يلتبس له ثوب في قده يصلـي بـه





خالد بن سعود الكبير:




انا يعجبني الشاعر قوي الحبك والبنيان
إلى منه بنـى بيتـه يشوقـك فـن تقطيبـه
اجاذبه العلوم اللي تونـس والخفـا مابـان
مثل تركي عساه يفوز بالمليون ويجيبه

[سفير الهيلا]

ولد مطير مدري وش دخل اللي كتبته في الموضوع وللمعلوميه خلف بن هذال شاعر الوطن مهوب تركي2000 من غير قصور فيه فهو شاعر متمكن لاكنه مايجي في مستوى خلف بن هذال

[الطائر]

مشكور ياسفير الهيلا اختيارك جزل يدل على جزالتك .. وشاعر الوطن خلف بن هذال هذا الكلام اللي يجمد على الشارب ..

وان كان احد يستاهل لقب شاعر الوطن غيره فهو بالتأكيد الـــقـــرقـــاح ,,

[aL_CaBoNi]

بسم الله الرحمن الرحيم

لاهنت على النقل وصح السان شاعرها


الكابــــوني