:::: تــــكفــ ـوـوـون ياللي خـذوا خلّي تــــردونه ::::

[بـــنـــت الــقــصـــيـــم]

السلام عليكم ورحمه الله ..

مساء الورد ..

>> من زمان ما نزلت قصائد ..



امممم هذي قصيده جميله


للشاعر محمد الدحيمي ..


اتمنى ان تنال على اعجابكم ..

للترف خيـــل ٍ غدا مركــاضها صدري =وطيــــور شــوقي غدا مقيالها .. عيونه
//
لبا جفونـه ولبا .. طبعــها الخـدري= ولبا ســــوادٍ رقد في خدري جفونه
//
أثره بضحكة سنونـــه حافر ٍ قبري= ولا كنت اظني بامــوت بضحكة سنونه
//
شرهة متونه على شــلالها الخمـــري= وان نثـــرته الهبـــوب .. مردّه متونه
//
جيت اجبر الكسر لكنــه .. كسر جبري= مجنـــون والحـظ ساقــه يم مجنــونه
//
يتفنن بلوعتــي .. واتفنن بصبري= حتى غــدت لوعتــي من اجمل فنونه
//
لا رحم ابوالحظ ساق الهجر من بدري= وشيّد جســـور الجفا من دونـي ودونـه
//
واقفيت لاني ضرير .. ولاني ببصري= اليا منعني الحيا ... ساقتـــني المــــونه
//
وجهمت اسوق الخطا في الدرب واهذري=( تكفـــون ياللي خـذوا خلّي تــــردونه )
//
ابطى .. وخلّى سؤال ٍ يلهث بفكري=مادري يصون الغلا ؟ .. مادري هو يخونه؟
//
ويوم اني اسجّ بين ادري .. وما ادري= عقب البطا .. جاء يقول : الدار وشلـونه
//
قلت انت : دارك هنا.. واْشِر على صدري= قال انت : دارك هنا .. واَشّر على عيونه

..

لكم ودي

[سلطااان العتيبى]

بنت القصيم



تسلمين على النقل المميز وصح الله لسان الشاعر



تقبلي مروري

[الــحـشـاشـــه]

صــح لـسان شاعرهــا


ويعـطيج العافيـه يا بـنـت الـقصيم ع النقـل الطيب والاختـيار الرائـع !



تـــقـبلـي تـــــحياتـي

[ريــــــانـه العــــود]

بنت القصيم

قلت انت : دارك هنا.. واْشِر على صدري=قال انت : دارك هنا .. واَشّر على عيونه

الله الله رووووووعه

صح لسانه

والله يعطيتس العافيييييييييه على هالاختيار الراااائع

[تركي الميموني]

صح الله لسان شاعرها وتسلمين بنت القصيــم على النقل

والأختيـار المميز وبأنتظار جديد نزف قلمك الرائع

وتقبلي مروري