بين الفقر والهم وطعون دنياي
خذيت في درب الهموم استماره
تطري علي دنياي في اول اصباي
عزاه ياعمرٍ قضيته خساره
تجمّع همومي مع الرايح الجاي
ولا يفرقها مزوح وعياره
اضحك مع العالم وابيّن ثناياي
لو كان صدري احتما بالحراره
ادري بأن النفس هي اكبر اعداي
ودايم اعاندها طموح ونعاره
واليا حذفني هاجسي صوب مركاي
اشوف حبي اعتلى لصداره
لاصرت ساري واضرب الراي بالراي
مجبور احاسب لا قربنا دياره
غرون شرب حبي كما شربت الماي
يلف صدري لف راعي الزقاره
ان كان حبي هو خطا من خطاياي
لبى خطاي اللي كواني بناره
لو كان مابيّن غرامه مع احكاي
والحب ماهو كلمتين وشطاره
هو عارف ان حبه توسط حناياي
وعارف مساري مايفاخت مساره
غصبن على عذال تفرح بشكواي
وغصبن على ضيم الزمان ومراره
بشدبه يمناه واشد يمناي
حتى نعلي فوق راس المناره
فديت روح اللي غدى حبه امناي
عساه مايبطي علي بزياره
بلواي هو ادواي وادواي بلواي
اودعه وارجع اعيش انتظاره
حقان العجمي
23-08-2008, 02:34 AM
العرض العادي
