في قمة السوده قبل يدهل الليل=ولفح الهبوب اللي براده يداوي
مع الضباب اللي رسومه تهاويل=لما اصتفق في بردها صار راوي
ثم هل وبله فوق ذيك المساييل=متحدي ن سيله عسير الملاوي
على مطل ن كل طرفن له يميل=يسرق نواظر كل هاوي وغاوي
تلقا سحابه زاهيات ن مقابيل=يجنح بها طير الحرار الخلاوي
مع خوين من خيار الرجاجيل=تلقاه لك في كل شي ن مخاوي
فواده اطهر من قنوف المخاييل=وسوالفه تسليك عن كل داوي
وعند اكتراب الوقت تلقاه حلحيل=حرن هدودن لا نواله مناوي
مخلف الوالد رفيع المشاكيل=اللي كما طير الفلاح النداوي
ذي منوتي يا اهل العقول المهابيل=فيها سلات القلب من كل كاوي
يفيض من قلبي كما فيضة النيل=كم هاجس ن قد شفت منه البلاوي
لما اتسع صدري وردت المناهيل=وعليت من منهل قصيد الهواوي
تذعر بيوتي مثل مايذعر الهيل=من وسط فنجال ن من الذعف خاوي
اليا سمعها اللي حياته غرابيل=ارتاح واصبح من همومه سلاوي
28-09-2010, 03:00 PM
العرض العادي
