ابن فطيس يزور القبور؟؟

[(بوسالم)]

اخواني الاعضاء قصيده تستحق الوقوف طويلا امام ابياتها لانها فعلا حكم ودروس

تقرأ بين السطور وعسى الله اي يكفر عنا سيئاتنا ويرحمنا برحمته قولو آآمين

ولله درك يابن فطيس وعسى الله يعطيك الصحه والعافيه....يقول ابو حمد :

يالله وانا طالبك تغفـر لـي ذنوبـي يـا غفـور***ارجيك والجا لك وانـا سالـك واعيـد المسألـه

لوما تطهرنـي بعفـوك مـا تطهرنـي البحـور***جيتـك وذنبـي قـد تعـلاّ غاربـي يـا مثقلـه

أنا من الطين انخلقت , أخطـي ولانيـب معـذور***قامت علي الحجّـه بدعـوة رسلـك المرسلـه

مؤمن بتوراتـك و إنجيلـك و مؤمـن بالزبـور***و بسنّـة محمـد وآيـات الكـتـاب المنـزلـه

لكن خُدعت بزخـرف الدنيـا وزادتنـي غـرور ***أبدت مفاتنهـا و ورتنـي مـن العمـر اجملـه

طبعاً بما إنـي بنـي آدم حصـل منّـي قصـور***واذنبت يـا مـولاي ذنـبٍ بالخفـا مـا تجهلـه

أسألك تغفر لي و تستر موقفـي يـوم النشـور ***اليا القفت خلقـك صحايفهـا وهـي مستذهلـه

من يستلمها بالشمال افلس وهـو يدعـو ثبـور***ومن يستلمها باليميـن افلـح لخيـر المنزلـه

واسألك يا ربـي تعاونّـي علـى نيـل الأجـور***أحيا حيـاةٍ مكسبـي فيهـا مـن البـر افضلـه

من لا تهيّا لـه مقـامٍ مـع طويليـن الشبـور***يبكي على ما ضاع من عمره وخيبـات عملـه

وان شاب راسه لا ترجّى فيـه تجبيـر الكسـور***لا خير فـي تالـي زمـانٍ مـا تغانمـت اوّلـه

ومانيب ناسي قصةٍ صـارت وانـا ازور القبـور***لازلـت افكـر فـي غرابتهـا وبالـي تشغلـه

ساعة ظهر لي شايبٍ له حول قرنيـن محجـور***في جوف قبرٍ عن هـل الدنيـا طـواه ويعزلـه

سلّم وجا صوبي يقول : ابنشـدك يللـي تـزور***عن حالة الدنيا وعن وضع الزمان وعـن هلـه

أنا مضى وقتي ومـرّت بـي طويـلات الدهـور***والباقـي بعمـري بعيشـه بينكـم واستكملـه

قلت : الزمان اللي يبارينا علـى خبـرك يـدور***الوقت نفسـه مـا تغيّـر ماشـيٍ فـي جدولـه

أما البشر , , , لا والله الاّ غير من حد الجـذور***صار انتقالٍ مـن يميـن الـى يسـار المنقلـه

استغرب الشايب من اللي قلـت وبليّـا شعـور***حط اليمين اعلى الشمال وخاطـره فيـه اسئلـه

قال : افتني عن حالة الشيبان والشيـخ الوقـور***أهل الخبر والراي والحكمـه وضـرب الأمثلـه

القدوه اصحاب الأمور اللي تطـاع بكـل شـور***اللـي يفضّـون النـزاع ويحكمـون المشكلـه

قلت : البعض منهم على ما قلت في وصفك وقور***قدوه ولكن رايهـم مـا ينفـرض فـي مسألـه

الطاعه العميـا بقـا منهـا مجاملـة الحضـور***اللـي تلاقيهـا مـع اوّل فـرصـةٍ متنصّـلـه

والبعض لا عبـدٍ يخـاف الله ولا عبـدٍ شكـور***لا زهّـده شيبـه مـن الدنيـا ولا هـو جمّلـه

بهيمةٍ يرجـع علـى منحـاه الاوّل ومحصـور***فـي لعـب بيلوتـه وريـح زقارتـه ومعسّلـه

والبعض الآخر شابت رموشه على درب الفجـور***ينقـل جـوازه للسفـر مـن مزبلـه لا مزبلـه

أشيمطٍ زانـي قضـا عمـره بحانـات الخمـور***والعايلـه ورعٍ يغـرّر بـه وبـنـت مهمّـلـه

قال : افتني عن حالة الخفـرات ربّـات الخـدور***اللي تصـان بـبيـت عايلهـا و بابـه تقفلـه

شيهانةٍ تشمخ عفاف وتصقـل فـروخ الصقـور***بين الفريق بـبشتهـا الضافـي وثـوبٍ تسبلـه

قلت : العـذارى فـي زمنّـا ببغـاوات الطيـور***تقليد هرج و عرض ريـشٍ خلفهـا تستخملـه

تلبس عباةٍ ضيّقـت حـول الردايـف والخصـور***فضيحةٍ تكشف جسدها مـن علـوّه لـاسفلـه

لا فوّحت صفر الدلال ولا عرفت غـش القـدور***تطبـخ لـهـا خـدّامـةٍ بالعايـلـه متوكـلـه

وشلـون يتربّـى عيـال ام التبـرّج والسفـور***الاّ خنـازيـرٍ دمـاهـا بــارده ومغـفّـلـه

قال : افتني بحال الشباب الصلب صيّـاد النمـور***الفـارس اللـي ينطـح خصومـه بزنـدٍ يفتلـه

قلت : الشباب بوقتنا وجهه مثـل بـدر البـدور***والجسم من زود الرخا ما تنفتـل فيـه عضلـه

قصّـة شعـورٍ صيّرتهـم لا إنـاث ولا ذكـور***والثـوب راح ولا بقـى الاّ عـالـمٍ متبنطـلـه

ناسٍ ( فلنتينو ) وناسٍ تلبـس ( كرستانديـور )***صار التنافـس بينهـم فـي لبسهـم والجنتلـه

من كان يشرب من قرار البير مشروبه ( بيور )***والبل راعيها غدا يشـرب حليـب ( النستلـه )

مامنهم اللي قام دون اعـراض جيرانـه غيـور***من قام قالو , , وشـملقّف حضرته ؟ وشـدخّله

بدّا عليهم شلّـةٍ تهـوى الوطـا بيـن الجحـور***لو تعزله عنهم تبـي لـه شـان كنّـك تقتلـه

ما راح يوم يشارك ربوعه بحـزن ولا سـرور***حتى ابن عمّه يعرفه بالوجـه واسمـه يجهلـه

بدّل حكاه وضيّـع سلومـه وحالـه فـي دبـور***وان شاف ضيف يخش حتى انّه يفـارق منزلـه

ناظر لي الشايب بعينٍ تجمـع السبـع البحـور***يقول : انا لا يمكـن ادخـل مجتمعكـم واقبلـه

انتو لكم وقتٍ تصـدّع مـن بلاويـه الصخـور***ما يقعد الجمّال به ساعـه ولـو ضـاع جملـه


وسلااااااااااااااااااااااااااااامتكم وصح لسان شااعرها.....واتمنى انها تحوز على اعجاابكم

[الفريض]

يسعدني ويشرفني اني اول من يرد ع موضوعك

صح لسانك ولسان شاعرهااا

ولاهنت ع النقل الرائع

تحيـــــــــــــــــــــــــــــــــاتيـ ،،

[‏• فِرِِقِآإڪ خِيرِِهِہ ©]

صح لســانـكـ ولسـان ابن فطيس

وتسلم يمينكـ يالقرم على النقل الرائع


تقبل مروري

[(بوسالم)]

المشاركة الأصلية كتبت بواسطة الفريض

يسعدني ويشرفني اني اول من يرد ع موضوعك

صح لسانك ولسان شاعرهااا

ولاهنت ع النقل الرائع

تحيـــــــــــــــــــــــــــــــــاتيـ ،،

يا مرحبا يالفريض وانا الي اتشرف بمرورك الطيب ولاهنت على المرور

[(بوسالم)]

المشاركة الأصلية كتبت بواسطة محمد بن مقيت

صح لســانـكـ ولسـان ابن فطيس

وتسلم يمينكـ يالقرم على النقل الرائع


تقبل مروري

يامرحبا يابو مقيت ومن قال سالم طال عمرك وشرفني مرورك الطيب

[لزاز]

عن أنس بن مالك أن النبي صلى الله عليه وسلم قال(كنت نهيتكم عن زيارة القبور ألا فزوروها ، فإنها ترق القلب ، و تدمع العين ، و تذكر الآخرة ، و لا تقولوا هجرا ) صححه الالباني رحمه الله .(صحيح الجامع).


أخي الحبيب (ابو سالم)
أتمنى أن تتأكد من مصدرك ونسبة القصيدة للشاعر المري , فإن القصيدة كما تبين لي أنها تنسب للشاعر الحبابي ظافر الملقب ب(خوي المطاليق).
وأرجوا أن تتحقق من نسبتها فإنها قصيدة من النوع الجيد وطرحها جريء وملامس لأحوال الناس أسأل الله أن يصلح أحوالنا وأحوال المسلمين في كل مكان.

[سع ـد بن شبنان]

صح لسـآأن شـآأعرهـآأ ونقلهـآ ...~ْ}


ولـأ هنت ع ألاختيأر وألنقل ألمميز ...~ْ}

تحيأتي ...~ْ}

[فيافي نجد]

من كان يشرب من قرار البير مشروبه ( بيور )***والبل راعيها غدا يشـرب حليـب ( النستلـه )


ان كانت القصيدة لابن فطيس فهو شاعر كايف ولاعليه خلاف ومع الايام بيوصل لاعلى القمم
وماشاء الله عليه مايجيب الا الجزل والنارد

وان كانت لغيره فصح الله لسان قايلها جززلة وملامسة للواقع المررررر الي تذوقه على مضض


الف شكر ع الطرح الكايف

لاخلا ولاعدم

[ودي بشوؤوفك]

صح الله لسان المحيط الهادي مبدع بكل شي ابن فطيس
وله بالجزلات غير ذي كثيير
ولاهان ناقلها(ابو سالم) وتسلمم يمينه

[مطلق الخالدي]

صح لسانك ولسان شاعرهااا

ولاهنت ع النقل الرائع

تحيـــــــــــــــــــــــــــــــــاتيـ ،،