[®] وصيـة الاب لابنـه ... لـ مرشد البذال [®]

[شيخة قبيلتها]

السلام عليكم ورحمة الله وبركاته ...

[®] وصيـة الاب لابنـه ... لـ مرشد البذال [®]

عجبتني هالقصيدهـ وحبيت اني انقلها لكم وباسلوب الراوي

وهي من كتاب ( سالفة وقصيدة ) ... الجزء الثاني ...

للراوي : محمـد بن علي الشرهان .


احد الشعراء عنده عيال وينصحهم بقصيدة والعيال يسمونهم أول غوش

الى صاروا اربعة او خمسة وهم صغيرين متوالين ورى بعض ، في قصيدة

جيدة للشاعر المعروف شاعر الكويت مرشد بن سعد البذال الرشيدي

يسند على ولد له اسمه عبدالله ويصغره ويسميه عبيد وهو تراه كفيف

ويبي يبين من القصيدة والشاعر يقصد بالقصيدة هذي ان ينصحه وينبهه

على عدة حاجات ويعلمه فيها طبعا يشرح اول شي بقوله انتبه وانا ابوك

واحذر النميمه والغيبة فعلا الصغير ودك تعلمه من الصغر يحذره من الغيبة

والنميمه او انه ينقل الكلام ولا تشجعه الى جا وقال يابوي فلان وفلان قال ،

ثاني شي القصيدة تعلمه احترام الناس واللي هم اكبر منه وعلى انه يعطي

الناس حقوقهم ولا ياكل حلال احد وباقي القيم والمثل والسلوم اللي حث

عليها ديننا الحنيف فهالابيااات هذي يقول فيها :-

يالله يـارب الضعـوف المساكيـن=ياللي لك المخلوق يحسـن صلاتـه
تستر على غـوش صغـار مكفيـن=أكبرهـم العـارف دليلـه عصاتـه
لا ياعيالـي كـل أبوكـم حبيبيـن=عندي وعنـد النـاس كـل وذاتـه
عندي غلاكم يدفن الزيـن والشيـن=وعند العرب كـل تشـاف خملاتـه
ياعبيد أنـا خابـرك ورع لهالحيـن=داو بغـبـات الجـهـل وظلمـاتـه
لاشك علمي لـك محبـة وتفطيـن=تسمـع الوالـد وثبّـت وصـاتـه
ياعبيد انا بوصيـك منـي بثنتيـن=ثنتين هن سـو البشـر وحسناتـه
انذكرك لا تبحث سـدود المغيبيـن=لا تجهـر اللـي غـارق بغفلاتـه
ترى النميمه تمحق الرزق والديـن=والمنـزل العالـي تعـدم طبقـاتـه
لاتحيب ان اهـل الظليمـه بخيتيـن=كل يوافق مـا عمـل فـي وفاتـه
وانذرك عن حق الضعيف المسيكين=اللـي علـى حقـه يهـل عبراتـه
ترا الضعيف لا غـدا الليـل ليليـن=يدعـي وعنـد الله توافـق دعاتـه
الظلم فان الظلـم يفنـي السلاطيـن=ياويل راعي الظلـم مـن مقبلاتـه
وانذرك عن ربعة رخـوم هياسيـن=اللـي سوالفهـم بــوده وهـاتـه
ياعبيد الاقشر لو صفى لك نهاريـن=نهـار ثالـث جـاك يرفـع قناتـه
والله ياعندي ربعة الناس الاقصيـن=ولا صديـق يبلشـك فـي حياتـه
ترى الرجال بهم فهـود وحياويـن=جاك الكـلام اللـي صحيـح ثباتـه
وان كان ما تدري ترى الناس دارين=الرجـل مدحـه بالمجالـس طراتـه
رجـل تعلـق بـه رجـال مسميـن=عـز الرفيـق ولابتـه ولحمـاتـه
ورجل تشوفه جسم وعيون ويديـن=ولولا الشعر ما تفرقه عـن خواتـه
والحلم عند الغيض ينحى الشياطيـن=يكفيك شر ابليـس هـو ودحراتـه

هذه هي قصيدة الشاعر مرشد البذال الرشيدي التي يسند فيها على

ولده عبيد ومليئة بالحكمة والنصيحة وان شاء الله فيها فايدة .

مع اطيب امنياتي للجميع ...

[ضاري البذال؟]

يعطيج الف الف عافيه وقواج الله لاهنتي

[عبد الله العظيمان]

شيخَ ـة قبيلتها
لاهنتي على النقل الراااائع

[مشـخــــــــاوي]

صحـ لسانكـ ولسانـ شاعرهااا

ولاهنتـ عـ النقلـ الرائعـ

[مطلق الخالدي]

صحـ لسانكـ

ولسانـ شاعرهااا

ولاهنتيـ عـ النقلـ الرائعـ

[الفريض]

ما أعجبكـ أعجبنيـ

صحـ لسانكـ ولسانـ شاعرهااا

ولاهنتيـ عـ النقلـ الرائعـ

تحيــــــــــــــــــــــــــــــــاتيـ ،،