يا خســـــااارهـ......

[الغـــــزال]

السلام عليكم ورحمة الله وبركاته

،،

راقت لي..
و دائماً يروق لي كل ماتجود به قريحته..
مبدع قليله في حقه..

أترككم مع هذه الرائعه من روائعه..
،،
،



منت بعلى خبـري .. تغيـرت يآهيـه..
برد المساء ما عـاد عانـق حضـورك
،،
ما عادك أنت إياه .. ولا آعـرف ليـه..
ولا عاد ذا شوقـك .. ولا ذا بشعـورك
،،
عنيتني لـدرب العـذاب .. ومساريـه..
وآنا آتعنى فـي رضـاك / وسـرورك
،،
لا تسومني دمع الوفا .. صعب تشريه !!
بأيدك هدمت البيـت والسـور سـورك
،،
انا هديتك خافقـي .. وأنـت تهديـه ؟؟
للحزن /والليـل العتيـم /.. وغـرورك
،،
ترى الهديه عيـب تهـدى .. وتنويـه..
( إن ما آحترمت العهد شـيكون دورك )
،،
كنت اشتهي صوتـك وآحبـه واداريـه..
والحين ما آدانـي السواليـف طـورك
،،
شبيت ضوي في رجـا الغنـج والتيـه..
وتشب ضو البعد .. يـا شيـن جـورك
،،
(( الفي عليك بشوق وتقـول مـا فيـه..
ودك بوصلي بس يـا كبـر امـورك ))
،،
اللي بقلبي من غلا .. خـذت باقيـه ؟؟
رده علي تكفـى .. أو إكفـه شـرورك
،،
لا وا خساره ؟؟ .. يا فديتـك ولبيـه ؟؟
نهيتني يا قلب .. مـا طعـت شـورك
،،
يا مجرم جروح الغيـاب .. بـتماديـه..
وقع على صك الوداع .. بـحضـورك
،،
اهديتـك الدنيـا / وقلبـي / ومـا فيـه..
ولا أنت تهديني خطـاك .. وزهـورك
،،
وسلمتك .. زمـام الهـوى والمشاريـه..
وأنت تحفر لجروح صـدك .. قبـورك
،،
احيّه من جمر انتظـاري و يـا آحيّـه..
لا ذكرّتنـي بالمحبـه .. عطـورك ؟؟
،،
يسقيـك يــا ذاك الـغـرام وليالـيـه..
وابكى غرامي فيـك وأبكـي شعـورك
،،
تضحك معا قفـاك .. لكـن معليـه ؟؟
أصبـر علـى الايـام ويجـيـك دورك

،،
،

وسلامتكم

،،

للمبدع..محمد بن فطيس
،

[دايم اهذريبكـ]

لا وا خساره ؟؟ .. يا فديتـك ولبيـه ؟؟
نهيتني يا قلب .. مـا طعـت شـورك


الله الله الله




ابن فطيس


دائمـا َ مبدع


رغم هالانقطاع المفاجي ~ .. الا انه حضوره دايم عذر لـ غيـابه !



تسلمين يالغزال على النقـل اللي ولاأرووووع لاعدمناش

[ديقول22]

يا مجرم جروح الغيـاب .. بـتماديـه..
وقع على صك الوداع .. بـحضـورك


صح السانه ولاهنتي يالغاليه ,,

[ريـمـيـه]

تسلم يمنااش الغـــزال .. كلش ذوق فديتش ..

واختياار موفق يالغاليه .. لا هنتي وتقبلي مروري ...

[نوآآآرة]

صح الله لسانه

ويعطيش العافية

لاهنتي

[الفريض]

ما راق لك راق لي
صح لسانك ولسان ابن فطيس
ولاهنتي ع النقل الرائع
تحيــــــــــــــــــــــــــــــــاتي ،،

[مـح,مـد بـن راشـد]

صح لسان شاعرهااا

ولاهنتي ع النقل الرائع

تحيــــــــــــــــــــــــــــــــاتي ،،

[عزوتي يام]

دااااايم مبدع بن فطيس والله لايهنيج يالغلا



وصح لسان بن فطيس

[خالد بن نفل]

لاهنتي على الاختيار الرائع
والله يعطيش العافيه

[الغـــــزال]

المشاركة الأصلية كتبت بواسطة دايم اهذريبكـ

لا وا خساره ؟؟ .. يا فديتـك ولبيـه ؟؟
نهيتني يا قلب .. مـا طعـت شـورك


الله الله الله




ابن فطيس


دائمـا َ مبدع


رغم هالانقطاع المفاجي ~ .. الا انه حضوره دايم عذر لـ غيـابه !



تسلمين يالغزال على النقـل اللي ولاأرووووع لاعدمناش

ومن قال يسلم..
لاهنت ع المرور الطيب..

،،
،