البكرة الوضحى

حسين ال الحارث · #1 03-12-2010, 02:14 PM

سلام ياشيخ الوفا راعي الجود=
أنت الفهيم إلي بحلة عقدها
تدري بماضي الوقت وأصحاب الأخدود=
وإلي بغت ترجع وعيا ولدها
بالحق والحق أنثنى دونه شهود =
من مهدها لين أنثوت في لحدها
لالاتقول أسهود ومهود وجهود=
وان كل نفس" ما تحمل جهدها
أنا لها لاصدرت كل مورود=
شربت مرمرها وصافي شهدها
والبيت مايبنى بلا أطناب وعمود=
واطنابنا شرهاتها في عمدها
من بيننا جد ومواثيق وعهود=
يادرعها ياسيفها يا سندها
أن ذير الذلان معبر و بارود =
أسيوفنا ماتهتني في غمدها
سوط الدهر جالد وأنا صرت مجلود=
بالهون نفسي يامحمد جلدها
المومن إلي كبر وناوي أسجود=
يمكن يموت وركعته ماسجدها
وأن مات أنا أشهد موت عز"ومحسود=
موته تمناه شجاعن شهدها
بنشدك دام الوضع محدود بحدود=
وأنت المليك إلي بحكمة مهدها
ياكيف أنا عايش بأراضيك مضهود=
يبست غصون القلب محد"نشدها
والمزنة الغرى بها برق ورعود=
ماسال واديها وأنا أسمع رعدها
لي بكرة"وضحى من العام مفرود=
حالت صواديف الدهر دون يدها
نقيتها من شفتها مقدم الذود =
من طيب راعيها وحامي بلدها
تارد مواريد الشرف عد معهود=
من ماضي الاجداد كل"وردها
أما أسهج البيدا وأسابق بها النود=
ولا تموت العين ما جا وعدها
عيني على البكرة ولاني بمحدود=
تركت ماعزها وباقي جمدها
والهقوة أن طال الوعد فوق بالزود=
في راعي الوضحى يحلل عقدها
قضيتي طالت وأبي منك مردود=
يبري وجع عيني ويجلي رمدها