هذه القصبده في رجل الاعمال خالد بن سعيد على مواقفه الطيبه معي وماقلت فيه اشوي في حفه
--------------------------------------------------------------------------------
بعض العرب ودك تجيله وتنصاه
من طيب راسه كل ربعه يجونـه
هذاك منهو تفعل الطيـب يمنـاه
حاضر بحاضر والسعد في عيونه
خالد وهو خالد على الطيب معناه
يقضي لزوم الناس واللي يبونه
يفرح لابن عمه ليا اقبل له وجاه
في مجلسه ماسكر الباب دونـه
عون الرفيق اللي زمانه تحـداه
كم ليلتن يرجي الفرج والمعونه
جعل النذل يفداه واللاش يفـداه
واللي من ضعاف البشر يكرهونه
يامطيبه خالد وياطيـب مجنـاه
عز الرفيق وعز مـن يعرفونـه
هذا رفيقن بـان فعلـه ومبـداه
مثل السحاب اللي تقانف مزونه
لو امدحه بالقاف مدحي ماكفـاه
ايضا وغيري في البشر يمدحونه
هذي مزايا اللي على الطيب رباه
ابـوه قبلـه والمـلا يذكرونـه
من ربعنا اللي فعلهم ماجحدنـاه
الطيب مبداهـم وهـم يفعلونـه
وختامها صللو على من عرفناه
محمـد اللـي كلكـم تتبعونـه
02-06-2011, 12:14 AM
[/quote]
العرض العادي
