اهداء الى صاحب السمو الملكي الامير مشعل بن عبدالله امير منطقة نجران
بسم العظيم وعالي العرش ومعـين=محصي النجوم المرقبة في فضاها
منزل التوبة ويوســــف وياســـــين=وانزل على موسى نبيـه عصـــاها
مرسي السماء واسماه تسعه وتسعين=والعبــــد يعلم نيته لــو كنـــــــاها
ويامرحبا يأبن الملوك الســــلاطين =الي مشت كل الدول في ذراهـــــا
حكام شرع الله على الحق ماشـــين =والله على العليا يســدد خطــاهـــا
عند الرجال الي على الحد راســــين=في ديرة تاريخها الي حكـــــــاها
دار الكرم دار الوفـــــاء والوفيــيــن=يدله بها الزائر لا منــــه لفاهــــا
يوجد بها تراث الجـــدود القديمـــين=ناس بها الايام دارت رحـــاهـــــا
من ضمنها الاخدود رمز وعناوين=في محـــكم القــران تلقى نبــاهـــا
واثار ابو زيـــد الهلالي وعديـــن =ركــب عليها الطي واسقا بمــاهـــا
ومشهورة بأصناف الابل المزايين=وخيــل يقوس عجــها من وراهــــا
ويامرحبا والله يحيـــيك واهلـــــين=عند الاهالي الثابتـــه في ولاهـــــا
سيف ودرع لك على العسر والين =لي بينت ســـود الليــالي بلاهــــا
خباش عــــز ومــــاكر للشــــياهين=شقر الحرار اللي بعــيد مداهـــــا
ما تنهزم عند المواجـــه قويــــــين=دون الوطن الارواح ترخص دماها
قوم على دوس الصعوبات ضارين=لي شوشت وامــيرها اللي نخاهـــا
انبين لك بالطيب حين بعد حـــين =بحور جـود ما تعـــكر صــفاهـــــا
واتجدد العــــهد الموثق اموالـــــين=وزود على كل المـــكارم وفاهــــا
تباشروا بك في ضحى يوم الاثنين=وذاعت بك اخبار الصحف في نباها
غيث سرى من نجد وارض الحرمين=واستبشرت نجران به واحتواها
ينبت وراء سيله ازهور ورياحين=ويحيي الديار المجدبة لي ضفاها
ابن جلالة من رجح بالمـــوازين=ورسم حدود الممــــــلكة واحتماها
وثبت قواعدها بشتى الميــــادين=وفصل لها غالي الثياب وكســـاهــا
صقر العروبة في قلوب الملايين=حبه ملك كل القلوب وحيــــاهـــــا
يحفظه منهو خالق الانس من طين=بو متعب الي هامته ما حنــاهــا
ارسل لنا من عنده اغلى من العين=وياعل عينه مايجيها عمــــاهـــا
ويامرحبا يامشعل الخير واهلـــين=من قلب مخلص ذاعها ما خفاها
وصلاة ربي عد سجد المصلين=وعداد ما يومي بغصنه هــواهــــــا
على الرسول الى رفع راية الدين=المصطفى الي جمع الامه هداها
اختاره الله خــــــاتم للنبــــيــــــين=ولعــراج به للسابعة من سماها
02-06-2011, 04:30 PM
العرض المتطور
