لَو الزعلْ رآحَ صَعبَ أعودَ وأصفاَ لكَ ..! )

عآفت آلنوم عيني · #1 09-08-2011, 09:33 AM

شِكْرَاً تذَكَّرْتني مَرّيت في بالك
..........يا حَيّ ذِكْرى تمرّ وْلا نِسَت هَلْها

يا حَيّ طاريّكَ وْيا حَيّ مرسالك
.........مِنْ بَعْد غيبه على كيفك مطَوِّلْها

من بَعْد ما وَدَّعَتْ عيني تخيّالك
.......مرّيت تسأل عن أخْباري وتسألْها

شِكْرَاً على كل شيْ والشِّكْر لِوْصالك
........خَلّ السوالف مِثِل ما هي وقَلّلْها

لا تْقول لي ليه هذي رَدّة أفعالك
.........مَخْلوق ما حَزّ في نفسه يبَدِّلْها

ما اقول لك وين والاّ كيف عن حالك
..........دفـَـنْت صورَتْك في قلبٍ يقبّلْها

أعاتِبِك.. لا أبَامَرِّرْك واتمالَكْ
......فرصه أبي أملي عْيوني واكَحِّلْها

لو الزَّعَل راح صَعْب آعود واصْفَا لك

......واضَمِّد جْروح في قلبي وادامِلْها

دعيت لك بالخفا في جِيْرَة المالك

....رَوِّحْ وانا بَاحْسِبْ ذْنوبي وْبَاحْمِلْها

ودّعتك الله في حِلّك وترْحالك

.........يا أمنيه ما قِدَر حَظّي يحصِّلْها

إذا تذكّرتني أو جيت في بالِك

.........يا علّني ذكرياتك جدّ واجْمَلْها

ما عاد فيني على رجواك واهمالِك

.......نفسي عزيزه ولا تِتْبَع مهَمِّلْها

ودّعتك العام أو وَدّعت تمثالك

...وْخَلّيت ذكراك وسْط القلب شايلْها