يقولون العرب مايتبع المقفي ثقيل حمول....وانا اقول المقفي لاجفا ماتتبعه روحي

خالد بن نفل · #1 22-10-2011, 02:28 AM

حكو لي فيك عذال المحبه واستدار الحول**
وانا لو قلت لي بعض الكلام يجدد جروحي
هقيتك تبتسم لي با الزمان وتنتظرني زول**
قبل لا أغيب عن وجهك سنين ويذكرك بوحي
حبيبي عادت الحسره بوجهي والدموع تقول**
سلامات ٍ تطولك عن خطاي وساعة مزوحي**
يقولون العرب مايتبع المقفي ثقيل حمول**
وانا اقول المقفي لاجفا ماتتبعه روحي**
قليلات الحساني من خطاه وعذره المجهول**
كثر ماهو ملكني من خطاه وقلت مسموحي
جبرني ليت مابيح بصدري حلمه المقتول**
ولا جدد بي هموم الغرام وملني نوحي**
قدرت أنساه واحلام العواذل عذرها مقبول**
واخذت جروح لو سر الحبايب صار مفضوحي**
يميل العمر با اطرافه ويبقى ريحه المحمول**
يبلغني تراحيب الرياح وصحوة صروحي**
**على هاك الملامح والسكوت وصبري المعقول**
تجاهلت المسامع لو سهيت وخاطري يوحي**
حكولي فيك عدواني وعدوانك ودار الحول**
وانا لو قلت لي بعض الكلام يجدد جروحي