قلب بدوي

[القرم 8]

بسم الله الرحمن الرحيم

السلام عليكم ورحمة الله وبركاته

-
-


اتت إليكم هكذا .. اتمنى ان تنال الرضىا وترقى لـ سمو اذواقكم :

\
/



قالوا علامك .. ليه ضايق و مهموم
شكلك تحب .. والظاهر إنك تعاني
\
/
انا في كوم و راعي الهرج في كوم
والصدق مالله بالمحبة عطاني
\
/
ما اشغلت فكري فـ العذارى ولا يوم
والحمد لله يوم مالله بلاني
\
/
لا تقول من هرجتك ياخوك مصدوم
اللي على قلبي يقوله لساني
\
/
قلب بدوي ٍ لاعشق يبعد الحوم
غير المراجل ما عشق شي ثاني
\
/
بيته مع أهل الطيب ماهوب مهدوم
يوحي به القاصي وينصاه داني
\
/
لكنّ مافيني من الوقت مغموم
دنيا ٍ تضيق وضيّقت بالمحاني
\
/
صدري يفوح وضيقته دايم الدوم
والخاطر المكسور كسره يَبْـاني
\
/
حتى ايش لو همّي عن الناس مكتوم
من عاين عيوني انا اشهد قراني
\
/
اطيح ..ثم اقوم .. واطيح واقوم
والله يعين اللي بلش بالزماني
\
/
خاب الرجا ياخوك في ساير القوم
وين الرفيق اللي ليا ضقت جاني
\
/
صار الخوي في تالي الوقت معدوم
خلف ( المصالح ) يتعب الرجل عاني
\
/
لا صرت راعي مال وعلومك علوم
عانه تحت رجلك يدوّر مكاني
\
/
ولا صار مالك يا ابيض الوجه مقسوم
لا عاد تشره لا نساك ونساني
\
/
يارب لا تبلاني بـ خوّة رخوم
ضعاف الأنفس عاشقين الطماني
\
/
أبا الخوي قرم ٍ تسلل من قروم
لا ضاقت الدنيا وقف قال عاني
\
/
هاك الخوي اللي به الطيب مرسوم
اللي على درب المراجل تلاني
\
/
من روس قوم ٍ فعلها قبل معلووم
اهل الوفاء والطيب خطل اليماني
\
/
ما ضاقت الدنيا ولا الدرب مزحوم
لا صار جنبي طير شلوى كفاني
\
/
هو شف بالي لا اصبح الهم مركوم
يكفي ليا منه نشد وش بلاني
\
/
هذا سبب ضيقي وهمّي من اليوم
وين الرفيق اللي ليا ضقت جاني
\
/
والأ الهوى مالي ترى فيه ملزوم
من حبكم يا اهل الهوى ماعطاني
\
/
قلب بدوي ٍ لاعشق يبعد الحوم
غير المراجل ما عشق شي ثاني !!




\
/

و سلامتكم و تسلمـــــــــــــــــــــــــون .. تحياتــــــــــــــي لأجمل منتدى والجميع

[الهنــــــــــوف]

يارب لا تبلاني بـ خوّة رخوم
ضعاف الأنفس عاشقين الطماني

.............

ابو عبدالعزيــــــــز ... سلمت يمناك على ماحملته لنا ...

قصيدة عالية بذوقها ... رفيعة بشأنها ...

كلمات كانت ... وسوف تزال بالقلب ...

ثق بي استمتعت كثيرا بما قرأت ... الى الامام دائما ... تقبل مروري المتواضع

[العــــديم]

صار الخوي في تالي الوقت معدوم
خلف ( المصالح ) يتعب الرجل عاني
\
/
لا صرت راعي مال وعلومك علوم
عانه تحت رجلك يدوّر مكاني


صح لسان قايلها
ولاهنت ع النقل

[القرم 8]

ا
اسعدنـي مروروكم العطر ومشاركتكم الناعمه و الرقيقة زميلتي الفاضله - الهنــــــــــــــوف

ولا خلا ولا عدم من طلتكم وتسلمي ولا هنتي

[القرم 8]

هلا و غلا و مسهلا بالأمير - العديم

شكرااا من القلب لمروركم و مشاركتكم التي اسعدتني ولا هنت يا الغالـــي

[%الماسه%]

صار الخوي في تالي الوقت معدوم
خلف ( المصالح ) يتعب الرجل عاني
\
/
لا صرت راعي مال وعلومك علوم
عانه تحت رجلك يدوّر مكاني

صح السان شاعرها ...
تسلم الايادي ابو عبدالعزيز
تقبل مروري

[حكاياغيـــم]

قلب بدوي ٍ لاعشق يبعد الحوم
غير المراجل ما عشق شي ثاني

بيته مع أهل الطيب ماهوب مهدوم
يوحي به القاصي وينصاه داني




الله الله

ابو عبد العزيز انتقآء في منتهى الرووعه

تسلم أنآملك على هالنقل المميز

[*ابوخالد*]

صح السانك والسان شاعرها

ولاهنت على نقل القصيده

[القرم 8]

اختي المحترمة الماسة

شكرا لـمرورك و مشاركتك في موضوعي ولا هنتي

اختي المحترمة حرووف

اشكركٍ جزيل الشكر لـمرورك و مشاركتكٍ في متصفحي ولا هنتي

الأخ الغالي ابـو خالد

لا شك مرورك يسعدني ولا عدمناك .. شكرا ولا هنت