صقر النصافى + الذيب

[مشغول]

الشاعر:

يا ذيب وش علّمك تهيض السانى ××× بعواك يوم ان المخاليق غافين.

الذيب:

انا بلايه قو جوع حدانى ××× الليل قمرا والضوارى فواطين.

الشاعر:

ياذيب حسّك فى منامى شعانى ××× لولا الحيا جاوبت صوتك بصوتين.

الذيب:

عزى لمن مثلى جداه اقنبانى ××× ماله جدا والناس ما هم بمعطين.

الشاعر:

ياذيب ياللى بالخلا ما تدانى ××× ما شفت لى حول الثميله ابويتين .


الذيب:

مريت لى بيتين يا مودمانى ××× عنها شمال وفى ظبطها مقيمين .

الشاعر:

ياذيب ما قاربتهم باختلانى ××× يا كود تبخص فى فريق اريش العين.

الذيب:

انا الذى من شاف زولى نحانى ××× ما احرزت اجيهم خابر غيبهم شين.

الشاعر:

يا ذيب ما عينت صافى الثمانى ××× عند الغنم والاّ يرد البعارين.

الذيب:

انا ما اعرف الصاحب المرحبانى ××× والناس واجد والعذارى مزايين.

الشاعر:

ما رّيته ياذيب عوده ليانى ××× والنور بين اقذيلته والحجاجين .

الذيب:

هذاك انا قبل امس شفته وجانى ××× من كثر دمعه محفى محجر العين .

الشاعر :

الله يوفقك الشياه السمانى ××× من مال كرهين الوجيه البخيلين

[بحوور]

مشغول


محـــــــاوره جـــــزلـــه

تســـــلم على هالاختيـــــــار

ولاهنـــــــــت ,,





أختــــــــكـ

[مـحمـد]

الاخ مشغول الله يعطيك العافيه
موضع ممتاز ومحاوره جيده
صح لسانك ولسان الشاعرين ذيب والنصافي

نقل الموضوع الى منتدى المحاوره .

[مشغول]

اسف اخواني
هذى مو محاوره هذا شعر لصقر الانصافي
يكلم نفسه ويقصد معا خياله
لتنويه صقر الانصافي من الناس القداما
ومن اللى غاصو بالكويت ومع حاكم الكويت الاول

[البع بع]

السلام عليكم ورحمة الله وبركاته

شكراً لك اخي الكريم على هذه الجزله


ولك كل الود


اخوك البع بع

[فلاح بن ملبز]

مشغول

صح لسانك ولسان الشاعر / صقر النصافى + الذيب اللي من نسج الخيال

ولاهنت على ذا القصيده الجزله

ولك جزيل الشكر

[بريثن]

هذي والله المحاورة الجزلة بمعانيها ويرحم الله الشاعر الكبير المخضرم صقر النصافي .. ونعم الاختيار يااخ مشغول واتمنى تتحفنا باالمزيد من روائع النصافي .. ولك الشكر

[فزاع]

يعطيك العافيه وتسلم يمينك

[^تسـوااهن^]

مشغول زين اللي فضيت

محااورة رائعة ,, لاهنت على الاختيار
والنقل صح لسااانك

[مشغول]

المشاركة الأصلية كتبت بواسطة ^تسـوااهن^

مشغول زين اللي فضيت

محااورة رائعة ,, لاهنت على الاختيار
والنقل صح لسااانك

انا على طول فاضي بس انتى اللى ماتبينين

احم احم صار مغازل
هذى مو محاوره صقر الانصافى يتخيل صوت ذيب ويغني مع نفسه لان خياله وسيع وكانه عاشي الدور
من ابرز الشعار في وقته