بعـــــض الاســامي .... :)

[قبلةالعجمان]

بعض الاسامي ماتوافق وراعيه
نطقه حرام وظالمينه ظليمه

ماهو على قدّه ولا الله بحاليه
الاسم طيّب والمسمّا بهيمه

وبعض الاسامي وفّق الله مسمّيه
يستاهله راعيه شيمه وقيمه

الاسم ودّك لاتسمّا لآهاليه
اللي لهم بالجاه قدر وحشيمه

ماهو لخبلن نافخاتٍ علابيه
لاكفّ شرّ ولارجع بالغنيمه

متصاغيّ ٍ مايلتفت لو تحاكيه
والكبر من طبع العقول السقيمه

ماتعرف الرجّال حتى تخاويه
والحكم قبل العرف غلطه جسيمه

والرجل يُعرف من صديقن يباريه
ويكفيك عن ذيخ المجالس نديمه

مايشره الاّ من يعرف المشاريه
شرهات بعض الناس مثل الشتيمه

ولايكرم الاّ طيّبن من مجانيه
طبع الكرم لآهل النفوس الكريمه

ولايبخل الاّ من بخيلن موصّيه
جوّد وصاته بالرسن والشكيمه

البخل صبخا ماتبارك نواميه
والجود غرس وراعي الجود ديمه

والطبع يغلب للتطبع مباديه
كلمه حكيمه من رجالن حكيمه

بعض المواقف للرياجيل تنبيه
واللي يعرف العلم عقله خصيمه

ماكلّ من يضحك بسنّه تجاريه
ومجامل اللي مايودّك جريمه

من لايبيك اترك جنابه وطاريه
الذيب لاضاقت يدّل الخريمه

ولاكلّ هرجن بين الاصحاب تبديه
بعض السوالف عاقبتها وخيمه

تبلش بخبلن بس دوبك تهاديه
لا حاشمن نفسه ولا فيه شيمه

بعض الاسامي زيلة اجسام ووجيه
وان جيت للواقع عظامن رميمه

وبعض الاسامي وفّق الله مسمّيه
يستاهله راعيه شيمه وقيمه











وسلامتكم : الشاعر مشعل عوض

[حسايف]

ياسلآلآلآلآلآلآلآلآلآم ياسلآلآلآلآلآلآلآلآلآلآلآم

الله الله

صح لسانش ولسانه ولاهنتي

وننتظر جديدش ..

[عيد بن شدقان]

ماتعرف الرجّال حتى تخاويه
والحكم قبل العرف غلطه جسيمه

والرجل يُعرف من صديقن يباريه
ويكفيك عن ذيخ المجالس نديمه

مايشره الاّ من يعرف المشاريه
شرهات بعض الناس مثل الشتيمه
اشهد انه صادق
قبله
الله يعطيش العافيه
لاهنتي
وصح السانش والسان الشاعر
اختياااااااار رائع

[قبلةالعجمان]

حسايف



صح بدنك ولاهنت على المرور الكريم

[قبلةالعجمان]

ذياب


لاهنت على المرور الكريم

[السنـــــافية]

قبلة العجمان

تسلمين على الاختيار

ويعطيج العافية

[الرازي]

مشكووووووورره على هالاختيار

قصيدة في غاية الرووووووعة

وصح السااااان الشااااااعر


تحياااتي
الرااازي

[ابو خالد]

الله عليـك يا قبــلة

اختيــــار موفــق

قصيــدة جـــزلة

صــح لســان شاعـرهـا

ولاهنتـــــــي

[محمد أبو زيد]

ذكرتيني في بيت ضيدان اللي يقول فيه

خذت بقعا رجال العرف والباقي رجال اعمال = هياكل تحت اسامي يامعليها توطيها

قبلة العجمان صح السانش والسان مشعل عوض , ولاهنتي

[اطياف الماضي]

ولاكلّ هرجن بين الاصحاب تبديه
بعض السوالف عاقبتها وخيمه

قبلة العجمان

صح لسانك ولسان الشاعر

وفقتي في الاختيار

تحيتي