وصلنا من الدكتور يعقوب يوسف الغنيم قصيدة للشاعر خالد المنشرح الحيان ردا على قصيدة الدكتور يعقوب يوسف الغنيم، التي ذكر في بدايتها السبب الذي دعاه الى ذلك . ودعا صديقه شاعر الاسلام خالد المنشرح العجمي الى المشاركة بالرد عليها .
وفيما يلي قصيدة شاعر الاسلام ردا على قصيدة الدكتور يعقوب يوسف الغنيم التي نشرتها « جريدة الوطن ». يقول :
حيّ الجواب اللّي بيوته فريده من شاعرٍ مثل الجواهر نقاها
عن الكلام الجزل ما شي يحيده رسالته ثوب المعاني كساها
سهران يجر الصوت يمي ويعيده عينه من الهاجوس زايد شقاها
تطري عليه علوم قشره عديده علوم كل الكون يسمع صداها
غير الاذاعة كاتبتها الجريده من لا سمعها بالجريدة قراها
الحزن يا دكتور فيني تزيده ما تدري ا ن نفسي حزنها كفاها
النار في جوفك وجوفي وقيده نارٍ تزايد بالحنايا لضاها
الدار دشّتها وجوهٍ جديده دارت عل صف التلاحم رحاها
ناسٍ تخلت عن مبادي وعقيده ترسم مصالحها وتركض وراها
ناسٍ تسوى شي ما نستفيده وتقول قولٍ ما يكرم لحاها
قومٍ غرتنا بالفتن والمكيده من الضما صارت تسحّب دلاها
أهل العيون المظلمات الرميده تصبح وتمسي من عماها بعماها
الشق عود وما لقينا ضميده كثر الأطبا ما يلحق دواها
الكل منهم شايل السيف بيده اداحر الديره ويطعن حشاها
وبلادنا تبقى على ما نريده بجهودنا نردع غشيمٍ بلاها
دام الكويتي حبها في وريده ما همها تمثيل لفوٍ لفاها
من لا عرفها بالليالي الشديده واشلون يعرفها وهي في رخاها
هذا يهمه وش كثر في رصيده وبدورته كم من عماره بناها
يبدل ايام الفقر بالرغيده ومصالح الدولة على الله رجاها
يا الله يا محيي العظام الهميده يا باسطٍ ارضك ورافع سماها
احفظ بلاد اهل الافعال الحميده شيوخنا اللي نلتجي في ذراها
سقم المعادي والعفون الضديده بياعة الخيبة على اللي شراها
الشر لا منه تحرك تبيده والخير رغبتها وغاية مناها
عمّة حسانيها الديار البعيده مزنة ربيع يفيِّض القاع ماها
أبطلب المعبود خالق عبيده الصباح ايديمها وايحماها
ويعيش ابوناصر يمينه عضيده نعم القيادة مارضينا سواها
الأمن بالإيمان مشدود قيده راعي الرعيه بالمبادي رعاها
عشنا بمعزه والمهونة نديده بالحكمه اللي شيخنا ما نساها
عسى سنينك يا بوناصر مديده تمتد لك في خيرها وابحلاها
ويسلم ولي عهدك هذاك الوليده اللي سعة صدره بعيدٍ مداها
فيه التواضع والمشوره سديده دنياه عقب الدين بالعقل جاها
فعل السنع واجب علينا نشيده والغانمة ما خالفت من بغاها
يا رافعين الصوت هاذي جحيده بعض النوايا بيّن الله خفاها
صرتو لنا مثل الجيوش الحشيده خذلانها يوم المواجه لقاها
يا هيه أبعطيكم عباره مفيده الدار دار اللي بسيفه حماها
الشاعر
خالد المنشرح الحيان
شاعر الإسلام
06-10-2011, 05:27 PM
العرض العادي
