لي وقفتي واصهل صهيل الحصاني

[عبدالله الشولاني]

**يبروق ماغنيت لي قصد يبروق==
وﻻ‌ عشان ايقال شاعر معاني

اصوّر اللي دار بالقلب ويلوق=
ونزهتكم واحكمت قولة لساني

وقصيدتي يبروق لو علّقت فوق=
فنا لكم مني كثير امتناني

اما انّها تنحطّ وتشلّ يبروق=
كذا بسرعه دون سابق بياني

فهذا على ماقيل في وضعه افروق=
واثّر بهاجوس القصيد ودعاني

وان كانها بالحق فنا لي احقوق=
وان كانها شعرن فنا الغيهباني

شعري انا يبروق جزلن وموثوق=
يشهد لي الشعار واهل المكاني

ماهوب منقولن وﻻ‌هوب مسروق=
واعطي على شعري شهادة ضماني

وان جا نهارن فيه ﻻ‌هل الشعر ذوق=
اعجبتهم ثم نلت ماكان كاني

ياكم من الشعار في جوفه احروق=
واعالجه واكويه ﻻ‌ ثار ثاني

واقرص اذانيّه ليا صار مطفوق=
الين هابتني جميع اﻻ‌ذاني

وان جار نهارن فيه للمرجله سوق=
لي وقفتي واصهل صهيل الحصاني

وربعي سنام المجد وامجادهم فوق=
منهو يعاديهم يصيبه جناني

عجمان ﻻ‌من صار للحرب طاروق=
جاوك على قبّ اﻻ‌صايل عياني

ومن خاطري غنّيت وابدعت طاروق=
والقصد واضح دون سابق وبياني

[العــــديم]

ياسلاام عليك

صح الله لسانك ملايين
ابدعت يالامير


دام بوحك

[سفيره بني خالد]

عجمان ﻻ‌من صار للحرب طاروق
جاوك على قبّ اﻻ‌صايل عياني

ونعم والله

صح الله لسانك ولاهان شانك
لاتحرمنا جديدك

[عارف دربه]

صح لسانك واعتلى شانك

كفو يالشولاني

وإن شاءالله تعلق فوق

[المنفرد]

صح لسانك

كفو كفو

[مقبل العرجاني]

صح لسانك يالشولاني

أبيات جزله ورائعه

[عبدالله الشولاني]

صحت ابدانكم جميع فديتكم وماعليكم زود
تشرفت بمروركم