أنت حبك كنه (الحكم السعودي)ثبته (عبدالعزيز)ولا تغير

[يتــــــرنم]

والله أنّي جيت مانـي بمحـدودي
ماخذك من زاوية .. طبّ وتخيّـر

لين خوفي من مساميـر الكبـودي
ردني لأجيك ضيف !! ولا مسيّر

والغلا زاد وتعـدا بـي حـدودي
وأنت ما ترحم كبيرك .. يا صغيّر

لا رحم جدّك تقول انّـك يهـودي
ما تقول أنّك بري وإنسـان خيّـر

يا بري حالي عليك !! ويا وجودي
أحسب أنّك في يدي شيـكٍ مجيّـر

لين جيت ورحت ما شدّن عضودي
من حبالك لا طويل .. ولا قصيّر

والحسود أن عـاد وإلا لايعـودي
جعل ماله فوق وجه الأرض ديّـر

كل مـا يقتادنـي للمـوت قـودي
ما ذكرت الا أنت !! يالريم المذيّر

يا أنتعاشي في الحياه .. ويا وقودي
دلّني لا صرت بالـراي متحيّـر

لو تذعذع بك رياحيني .. و نودي
النصيب أن ماتسيّـر .. ماتسيّـر

لا يهمك لا عذول !! ولاحسـودي
هد روعـك ياحبيبـي لا تطيّـر

أنت حبّك كنّه ( الحكم السعـودي )
ثبّتـه ( عبدالعزيـز ) ولاتغيّـر

الشاعر المبدع / مدغم أبوشيبه السبيعي

[العاتي]

صح الساانك يا السنافي وانت ابدعت في الاختيار

[راكان اليامي]

الله الله صح لسانك ولسان السبيعي يالسنافي

[هند]

الأخ القدير ( يترنم )
صــــح لسانك على هالأبيات الرائعة


لاتحرمنا جديدك



لك الشكر
السؤدد

[يتــــــرنم]

يا هلا ويا مرحبا صح بدنك يالذيب الله لا يهينك على المرور وهو الأبدع

[يتــــــرنم]

يا هلا ويا مرحبا صح بدنك ياالسنافي الله لا يهينك على المرور وشرفني

[يتــــــرنم]

يا هلا وغلا يالسؤدد مبدعة الدواوين والله لا يهينش على المرور والأطراء

[حبيب]

صح لسانك ولسان السبيعي يالسنافي


حبيب

[يتــــــرنم]

ولسانك يالذيب الله يحيك ولا يهينك على المرور وأسعدني

[محمد آل نصار]

تسلم على النقل ، وصح لسان الشاعر .