مدح في الشيخ محمد بن فهد بن منيخر (رحمه الله)

[صفى]

هذي قصيده للشاعر الكبير نافل بن مهدي وهو قامه شعريه فارعه ولكن قليل من يعرفون هالشي بسبب انه ما يهتم بالنشر وانا بنقل هالقصيده لاني شفت قصيده لبو مهدي بأهل حنيذ وهم يستاهلون فحبيت انقل هالقصيده على نفس المناسبه وهي مدح في الشيخ محمد بن فهد بن منيخر ومناسبتها ان بن منيخر له ارض كبيره جنوب حنيذ وفيها بيته ومزرعه له وكان كل سنه بوقت الربيع يدشش ابل واحد من ربعه ولا الغالين عليه علشان الشبك يكون مربع حيل قام وعزم على بو مهدي تربع ابله بأرضه وهو كفو من شيوخ ومو غريبه منه بس الرجل هذا قابلته مرتين وللحق رجل عجيب بأخلاقه وكأن الفضل مو منه الا عليه ويوم كانت الابل بشبكه مد بيب من مزرعته لحد مكان الابل تقريباً كيلو ونص علشان ما يتعبون في جلب الماء للابل وقال فيه شاعرنا الكبير هالقصيده:

جعل يسلم راعي الشبك الجنوبي ## مرهيٍ الجــــــــــم للذود الغوالي

كل ما حـــــامٍ وقل ألها الشروبي ## برهجن بالري من حامي التوالي

شوق بنت مجربٍ راسه صعوبي ## حيّلٍ ماهو تحيّـــله الرجــــــــــالي

بو فهد كفوٍلمجمولٍ عجوبـــــــي ## كفوها عيد النضا لا جن هزالــي

عيدهن لا جن قد فيهن شذوبــــي ## الشحم تلقاه مع صفر الدلالــــــي

من شبابه ما مشى درب العيوبي ## كاسبٍ قولة نعم لا جا مجالـــــي

يا بعد منهو من الطيب محروبــي ## بو فهد يا جعل تفـداه النذالـــــي

قايمٍ بالطيب ماهو بمغصوبــــــي ## سلم أبيه وسلم جده والخوالـــي

جدهم الاول لهم قد الدروبــــــــي ## يستلم من الاولي تالي لتالــــــي


وسلامتكم
منقوله من شبكة الصحراء الادبية العضو ( الاعلامي محمد بن مهدي العرجاني)

[●• Ŝђǿǿq •●]

يستآهل
صح لسآن شآعرهآ
وتِسلًم يمينكـً ..~

[العــــديم]

يستاهل ابن منيخر
وصح الله لسانه

لاهنت ع النقل

[فراس الفارس]

ونعم ابوفهد الله يرحمه

[ابورامي]

اللي يفعل الطيب يستاهل المدح وال منيخر كفو صح لسان الشاعر

[الـعـابـر]

صح لسانك ولسان شاعرها