بسم الله الرحمن الرحيم
السلام عليكم ورحمة الله وبركاته
القصيده هذي اغلى قصايدي واقربها لنفسي
لأنها في شخص اكبر من القصيد واكبر من تعابير الكلام
القصيده في ابي ( خميس بن عساف ابو سفره الشامري)
الصدر هايض وشرد القاف قامت تستفزه
لأجل ابي روضت شرد القاف ترويض الأصيله
ياقصيدي فز والفزه ماهيب ايات فزه
قدمك وصوفٍ تشيب وماتوفيها قليله
رجله ليا من حنيت الراس اقبلها معزه
واسمه وسامٍ على صدري فخر لي يوم اشيله
لا لبست البدله افخر بـ اسمه السامي وارزنه
ونق طيب ومرجله تدريبه سنينٍ طويله
الكرم عنده جبل وصدوف بقعى ما تهزه
مهبلك ياللي تحسب ان الجبل خلص حصيله
الكرم هو سيده والفخر إله والعز عزه
والبطولات العظيمه والعطيات الجزيله
سيدي هو تاج راسي هو حزامي كل حزه
تشهد لمجده عواريف القبيله و القبيله
الشجاعه والسطر مع طيب نفس بكل عزه
والكرم هداج تيما ما يجي حتى قبيله
الردى شيطان وخميس دَحره ولا يوزه
الجمل وابن الجمل شيالٍ حمولٍ ثقيله
البطل وابن البطل ميسمه فـ العدوان لزه
في علابيها وسوم و فـ الجباه امكن دليله
كل من جاء له صويب لقمة العليا يكزه
الفخر باسمه تفاخر والشجاعه تحتمي له
واحمد الله يوم حط اسمه بعد اسمي معزه
كل طيبٍ لو يخيّر كان يختاره خليله
وسلامتكم ,,,
25-12-2012, 10:44 PM
..~
العرض العادي
