موسوعة قصائد شعراء العجمان ::::الرجاء من الجميع المشاركه(((اللي فيه حميه يدخل)))

[المناجي]

السلام عليكم ورحمة الله وبركاته

ترددت في طرح هذا الموضوع كثيرأ وكنت اعتقد انني سأجد في المنتدى مشاركة تتكلم عن قصائد شعراء العجمان وبعد البحث والتحري في صفحات المنتدى لم أجد ضالتي ....فأخذت على عاتقي هذه المهمه التي لن تكتمل فصولها ألا بمشاركاتكم وما أطرحه هو جمع ونشر وتعميم الفائده للجميع فكان الموضوع المطروح هو وضع قصائد لشعراء العجمان من قديم وحديث فعلا من يجد في جعبته اي قصيده لشاعر عجمي أن يشرفنا ويتحفنا في وضعها هنا ...
وأنا أكون أول المشاركين بهذه القصيده :


للشاعر : عبدالله فهد بوعجيم العجمي رحمه الله

ردو سلامي لبو هادي =لاجيت أبن ملبز(ن) قله
طيبه على روس الأشهادي =وأن طاب طيبه على حله
مجنب(ن) درب الأنقادي =وكل المطاليق ربع إله
ياما عطا الخلف الأضمادي =ودنياه ماهي بهمله
يفداه من كان نقادي =ياكود منهو حتيلله
والحر من هد به صادي =والتبع خسران من شله
والنكد لاحل في وادي =لاتحل في وادي(ن) حله
عط ماعتك منه الابعادي =ولا تحملتلك زله
ولا شفتلك واحد(ن) غادي =خله على ضيعته خله
لاصار ماالله له بهادي =كيف المخاليق بدله

المناجي..

[ابوحمد الشامري]

لا هنت يا المناجي وبيض الله وجهك وما قصرت على هذه الفكره الرائعة وفيه بعض قصائد شعراء العجمان مثبته في اول الصفحه ومع ذلك لا نمانع من الاخوة والاخوات ان يشاركونا في هذه الفكرة الرائعة لطرح القديم والحديث من شعر شعراء ابناء القبيلة.

ابوحمد الشامري

[ذيب الجويات]

المناجي يعطيك العافيه على هالفكره وبيض الله وجهك والله يوفقنا في هاذي الفكره
تقبل تحيااااتي عبدالله الشامري

[هادي الشامري]

لاهنت يالمناجي وعزالله فكره طيبه والله لايهينك يالذيب

[مـحمـد]

عزيزي اشكرك على الفكره الممتازه
ولقد طالبت مسبقا بأنشاء ديوان خاص لقصائد ابناء العجمان
وانشاءلله انشوف المشاركات الفعاله من الجميع
واقترح بالمشاركه هذى تقسيمها من حيث القديم والجديد وماقيل في القبيله وابنائها حتى يسهل على الجميع قرائتها والمشاركه فيها.

[المناجي]

ابو حمد الشامري ...

ولا أنت ..ومشكور على المرور والتعقيب .


تحياتي ..

[المناجي]

راعي العصلا ..

الله يعافيك وطول عمرك .... ومشكور على الكلام الطيب .

تحياتي ..

[المناجي]

هادي الشامري ..

مشكور على الكلام الطيب ..ولاهنت على المرور .

تحياتي ..

[المناجي]

Alajm..

شكرأ لك على المرور والتعقيب ... ومنا إليكم

تحياتي ..