&&& فمان الله &&&

ابو خالد · #1 22-05-2004, 06:16 AM

فمان الله

الاوشيب عيني .. يوم قالوا لي فمان الله

وحققت انهم من عقب ... جمعاهم مقفيني

تخايالي .. خيال الموت يومه مد لي يمناه

ولد بعينه الخرسا .. عقب ماقفى يراعيني

نهت وقلت مما جال بالصندوق ..وعزاه

سراب اللآ ل باكر ..يطرد مابينه وبيني

حلفت برب خلقه .. لو يطول البعد انا منساه

انا وشلون ابيع اللي .. من العربان شاريني

تصبر .. ياخفوقٍ صار داه اليوم .. وسط ارداه

على رجوى ان رب العرش .. يدنيهم ويدنيني

مثل ماخذت قلبي ..قلبي المحبوب .. عطنى اياه

على شان انتساوى في المحبه والموازيني

الى قارنت غيرك بك خجلت .. وقلت ونقصاه

انا وشلون اقارن .. كامل الاوصاف بالشيني

ولو هو في حلى يوسف .. كسف لي بنت نور اضياه

وختم القول رب بك ... تبلاني ... يقويني

عبدالله الفيصل

ابن مكتوم · #2 22-05-2004, 01:58 PM

لاهنت يا ابو خالد على النقل الرائع
وصح لسان الشاعر الامير عبدالله الفيصل

بن مكتووووووووووووم

المستشار · #3 22-05-2004, 02:35 PM

تسلم يا بوخالد على الإختيار الرائع

أنا ما ابيع اللي من العربان شاريني ** وأنا اللي شريته باعني برخيص

تحياتي

المستشار

ابو خالد · #4 23-05-2004, 01:27 AM

ابن مكتوم ،، المستشار

لاهنتم

عزوف · #5 23-05-2004, 11:02 AM

صح لسانك ولسان الشاعر يا بو خالد

اختيار موفق

تحياتي

ffahad · #6 23-05-2004, 07:46 PM

صح لسانك ولسان الشاعر يا بو خالد

وتسلم واللة

ابو خالد · #7 29-11-2004, 10:09 PM

عزوووف && فهـــد

الله يســلمـكم

لاهنتــوا عالمـرور

هند · #8 29-11-2004, 10:13 PM

صـــح لسانك ولسان الشاعر يابوخالد

لاهنت على الإختيار الموفق

السؤدد

ابو خالد · #9 30-11-2004, 11:20 PM

مرحبـا الـف الســؤدد

ولا انتــي اختـي العـزيزة

اسعدني حضــورك

وردة&العجمان · #10 01-12-2004, 02:37 AM

الله الله الله علييييييييييييييك

ذووووووق ولا اروع يا بو خالد

الا واشيب عيني يوم قالولي فمان الله ,,,

تخايالي .. خيال الموت يومه مد لي يمناه،،،،

صح الساانك والسان شاعرها

تحياتي لك
وردة&العجمان