( البداوه طيب )

[ماجد المهنا]

السلام عليكم ورحمة الله وبركاته ..

مسيكم بـ الخير ..

أخواني .. يشرفني وضع هذه المتواضعه اتمنى ان ترتقي إلى ذائقتكم ..

قصيده لها مناسبه .. واعتذر عن ذكرها ..


صلوا عـ النبي ..



البدواه طيب ..

البداوه طيب ماهيب الردى = ومن حسب للناس يلقى له حساب
ياللي تقفاني ترى حكيك غدى = في أذانيي ولا بينه حجاب
الله يهدي عقلك اللي ما اهتدى = كيف تتقفى خويك في غياب !؟
( الصداقه عكس مفهوم العدا = والغراب اللي علا يبقى غراب )
الخبر ماهوب مثل المبتدى = أن كان تفهم فـ القواعد والأعراب
تعبت من قولة فدى وكلي فدى = واثر ما بالصيف ما كنه سحاب
نادرٍ يمطر وياتي له ندى = وتهب ريح وما نلاقي من شراب
ما دريت ان غيثنا ماله مدى = لو نشدت طويق تنبيك الهضاب !؟
للتقى الجمعين والحادي حدا = وثوّر البارود يزهم للحراب
( الشجاع ) اللي على ( الصفره ) بدا = عانق نجوم الثريا والشهاب
و( الورع ) مجنون و( الشايب ) عدا = وكل منهم سيفه يطول الرقاب
قومٍ عوى السرحان ترد له صدى = قومٍ مع العليا تسجل في كتاب
واقتديت بشايبٍ لي اقتدى = بروس ذربين الأيادي والجناب
ما ضاعت الهقوه ولا راحت سدا = وانت جالس حضرتك تطرد سراب !؟
بـ أن تغدى قبل لا نصبح غدى = والعشاء مضمون دام الناب ناب
وانت واشكالك من اعيال الردى = والله اني ما حسبت الكم حساب

وسلامة روسكم ..


ومحشومين .. والله يعز روسكم من الردى ..


أخوكم /

ماجد المهنا

[Sha3ree]

تعبت من قولـة فـدى وكلـي فـدىواثر ما بالصيف مـا كنـه سحـاب
نـادرٍ يمطـر وياتـي لــه نــدىوتهب ريح وما نلاقي مـن شـراب


مااااااااااااااشاالله عليك


جززززززززززززل جزززززززززززززل


صح الله لسااااااانك مليون ولايسدون ولاهنت جعل عمرك طويل

تعبت من قولـة فـدى وكلـي فـدىواثر ما بالصيف مـا كنـه سحـاب
نـادرٍ يمطـر وياتـي لــه نــدىوتهب ريح وما نلاقي مـن شـراب


وتقبل اجمل تحيه

[وافي]

( الشجاع ) اللي على ( الصفره )
بداعانـق نجـوم الثريـا والشـهـاب

و( الورع ) مجنون و( الشايب )
عداوكل منهـم سيفـه يطـول الرقـاب



مااااااااااااجد يابعد راسي انت


اشهد بالله انك الجزل والحكيم



قلت وابدعت يالقرم بيض الله وجهك




وافي

[ابوتركى]

البـداوه طيـب ماهيـب الــردىومن حسب للناس يلقى لـه حسـاب
ياللي تقفانـي تـرى حكيـك غـدىفـي أذانيـي ولا بيـنـه حـجـاب
الله يهدي عقلـك اللـي مـا اهتـدىكيف تتقفى خويـك فـي غيـاب !؟
( الصداقـه عكـس مفهـوم الـعـداوالغراب اللي عـلا يبقـى غـراب )
الخبـر ماهـوب مـثـل المبـتـدىأن كان تفهم فـالقواعـد والأعـراب


والله ياماجد القصيده كلها على بعضها جزله

ومعانيها جميله وصح السانك على القصيده الابداعيه بكل ماتحمل من معنى

وسلاسه بالاسلوب والتعبير

تقديرى لك

[عـزام]

ماجد المهنا

المبدع

ابيات رائعه بكل ما تحمل معنى الكلمه


صح الله لسانك ولا هنت يالقرم

[عيد بن شدقان]

ماجد المهنا
كتبت واجزلت
صح السانك ولاهنت

[بحوور]

ماجد المهنا



اميــــر القـــــاف ,,

صـــــــح كـــــــلك مليــــــــوون

ولاهنـــــــــــت ,,




تحيــــــــاتي وتقديــــري

[أبن رشـــــود]

ما جد المهنا

أررررررررررحب أررررررررررحب

فديت زولك يأبن عمــــــــــي

صح لســـــــــــــــانك يالجزل


لاهنت ياغالي

على الجزله

اخوك منذر بن حمد

[مـحمـد]

الاخ الشاعر ماجد المهنا
صح لسانك ابيات جميله وفي وقتها حقيقه

والزين مايجيب الا الزين

[ماجد المهنا]

السلام عليكم ورحمة الله وبركاته ..

Sha3ree ..


وجودك يشرف ديرهـ ..


صح بدنك ..


ولاهنت على كل حال ..


ولا خلا ولا عدم ..



ماجد المهنا ..