العلم في الشيبان ماهو بفايد

[فهدالعجمي]

الشاعر محمد بن فالح بن طفله ال سليمان
كان كبير في السن وطلب من اب اخيه جبران ان يغلمه السواقه
وكان جبران واصل عند عمه وطيب عند الجميع وركبوا على سياره
جبران وتوجهوا الى مكان بعيد في البر وكان في هذا المكان حفر
ودراكيل وعندما وصلو اخذ محمد بن فالح السياره وجلس خلف المقود
وقام جبران يدربه وقام محمد بقيادة السياره واذ به يقتحم الزبور
فامسك جبران بسكان السياره وجنح بها عن الزبور وقال ويش فيك ياعمي ماتشوف فرد عليه عمه بهذه الابيات :

جبران ربي من بلا الشر نجاك ,,, والعلم في الشيبان ماهو بفايد

ابغي البريك وجات رجلي على ذاك ,,, وطيت على اللي لا وطيته تزايد

بلاي انا يابوك ماني بشرواك ,,, ابغي اتعلم غار جا العلم كايد

ادي ورجيلي تحرك تحراك ,,, مثل الذي يرمي ولاهوب بصايب

[الشامرى]

الاخ فهد ،،،،
لاهنت على السالفه وقصيدتها للشاعر ابن طفله
ورجاء انكان عندك قصايد له تعلمنا بها خاصه اللى منها هذا البيت :____
يارفيق الهند منت بلى رفيق ####الرفاقه والله فى وادى المياه
ولك تحياتى ،،،،،،،،

[فهدالعجمي]

ولا انت اخي الشامري
للاسف البيت اللي ذكرته بيت مشهور لبن طفله
لكن تكملته مهي بعندي وانشالله ان عينتها نشرتها

[فيصل بن حجرف]

تسلم اخوي فهد على السالفه والقصيده

وياليت نشووف منك المزيد

تحياتي

[الجـــــــــادل]

يعطيك العافيه ولاهنت

[الخويطري]

مرحبا ومسهــلأ يــ فهد العجمي

ولأهنت مليون على القصه والقصيد الطيب

وسلمت يمناك على الوجود الرائع وونعم مليون بـ محمد بن فالح بن طفله .

ووننتظر قصصك وقصيدك واعلومك الطيبه

تقبل تحياتي

الخويطري

[cool]

السلاااام عليكم ورحمة الله وبركاااته

تسلم يااافهد وبيض الله وجهك .

الله يعطيك العااافيه على السااالفه وقصيدتهااا ولا هنت الغااالي .


كـووول

[الرازي]

تسلم لنا يا فهد

على هالقصة لبن طفله

ولكن نريد من قصايده وقصايد الشيبان ان نوجدت عندك

وتحيااااتي
ابوعيد

[اليامي]

لا هنت يا فهد

ومشكور على تفاعلك

في المنتدى المواضيع

الشيقه


تحياتي

اليامي

[Ajmi]

السلام عليكم ورحمة الله وبركاته

ههههههههههههههههه
هههههههههه


أسمحلي يا فهد على ها الضحك
ابغي البريك وجات رجلي على ذاك ,,, وطيت على اللي لا وطيته تزايد


ماشاء الله على ها الشايب
الله عليه شاعر وصور لنا الموقف والمشهد

وواضح انه صبور ولا يعصب بسرعه

وصدق راعي المثل
العلم في الصغر كالنقش في الحجر

سلمت يمينك يا فهد على ها الموضوع لا عدمناك يا الغالي

ولا تبخل علينا يا بعدي من ما عندك