اخي العزيز شادن صح لسانك على كل حال والقصيده ينقصها بعض الوزن ولكن يكفي انها كما تفضلت نابعه من احساس صادق ,, ولأن القصيده جميله خصوصاً موضوعها وجملها قمت بتعديل بعض الكلمات حتى يستقيم الوزن بدون تغيير في معنى او موضوع القصيده ..
اتمنى لك التوفيق , في كتاباتك القادمه :
*قصيدتك بعد التعديل :-
اقتباس:
|
المشاركة الأصلية كتبت بواسطة شادن
ـــــــــــــــــــــــــــــــــــــــــــــــــ
لا لا تلوموني ياهل العتب واللوم= والله عن وضعي مافيه احد دريان
الناس مرتاحه تنعم بطيب النوم =وانا على طول الليالي وانا سهران
اسامر القمره واعد فيه نجوم= والقلب مني صار متعذب وزهقان
اون واخفي دمعتي والحزن مكتوم=والدمع غصب(ن) صار ينزل على لوجان
من حبها حالي نحل و الجسم معدوم=والكل من حولي على حالتي شفقان
قلبي غزاه الحزن واصبحت انا مهزوم=وضاقت بي الدنيا وانا اصيح له يفلان
قلبي مولع فيه بالحيل به مغروم=مشتاق انا له حيل ولشوفته ولهان
ابطى علي ولا وصل من سنعه اعلوم=ياكيف قلبه طاوعه ثم نوى الهجران
ياكيف ينساني وانا مانسيته يوم= ولا اذكراني يوم فكرت بالنسيان
غرقت في حبه وانا ماعرفت العوم =واصبحت قصة عاشق بحبها غرقان
|
30-04-2005, 02:26 PM
العرض العادي
