الله أكــبـــر

[بخيتان اليامي]

السلام عليكم ورحمة الله وبركاته،وكل عام وأنتم بخير أن شاء الله.

الله أكبر يا نجوم ٍ غايبه قبل المغيب = أختفت في زحمة الدنيا قبل حل الغياب
والله أكبر ما بقى في ديرة العاشق حبيب =غير ذكرى في حياته من عهد سن الشباب
الزمان يدور والدنيا بها حظ ونصيب = والنصيب اللّي خذيته مثل برق ٍ في سحاب
يشهد الله في حياتي ما هقيت أصبح غريب = لين شفت الشمس غابت وأختفت خلف الحجاب
نبهتني بالشعاع وقلت أنا شي ٍ عجيب = كيف أنا عايش سنين ٍ في ليالٍ ما تهاب!
لا صديق ولا خوي ولا رفيقٍ لي يجيب= غير دمعاتٍ تهل وعايشٍ عيشة عذاب
أنجرحت جروح وجروحي عجز عنها الطبيب = يوم شاف الجرح ينزف قال بعلن الانسحاب
الحرايق وسط صدري زايدٍ فيها اللهيب = والحظوظ الرديّه ما لها عد حساب
ما مضى لي غير ذكرى كلها هم ونحيب = وما بقى لي في حياتي غير كلمات العتاب
بصبر لجور الليالي عل لي حظ قريب = وعل دنياي التعيسه تنفتح عشرين باب
وبطلب الله في صلاتي يشفي الجرح العطيب = وينتهي مشوار جرح ٍ ما حلا وأن قيل طاب
الله اكبر يانجوم ٍ غايبه قبل المغيب = هيضت قلبي وغابت من قبل حل الغياب

[تايه الغربه]

الله عليك يا ابو فــــــــــــــــــــــارس

صح السانك يا الذيب

[الباشا]

صح الســـــــــــــــــانك
على الرائعه بالتوفيق انشاء الله

[مـحمـد]

الاخ بخيتان اليامي
الله عليك صح لسانك على القصيده الجزله

[عـزام]

بصبـر لـجـور الليـالـي عــل لــي حــظ قـريـب=وعـل دنيـاي التعيـسـه تنفـتـح عشـريـن بــاب
وبطلب الله في صلاتي يشفـي الجـرح العطيـب=وينتهي مشوار جرح ٍ مـا حـلا وأن قيـل طـاب
الله اكـبـر يـانـجـوم ٍ غـايـبـه قـبــل المـغـيـب=هيضـت قلبـي وغابـت مـن قبـل حــل الغـيـاب

الله أكبر عليييييييييييييييييييييك

اررررررررررررحب يا ابو فارس



ابيات رائعه

لا يكتبها الا بخيتان اليامى

صح الله لسااانك ولا هنت يالسنافى

[ما تهاااااب]

كل عام وانت بخير وصحه وسلامه

صح السانك وإحساسك ولاهنت..قصيده رائعه من إحساس اروع

تسلم ويعطيك العافيه اخوي اليامي
من رائعه لأروع منها

تقبل تحياتي

[بخيتان اليامي]

تايه الغربه،

صح بدنك والله يعطيك الف عافيه على مرورك.

تحياتي وتقديري لك أخي العزيز أبو سالم.

أخوك

[العرجاني محمد]

صح لسانك مليون يابخيتان اليامي ..... بإنتظار جديدك

[اطياف الماضي]

الله اكبر على ماتكتب

صح لساااااااااااانك

لاهنت ياخوي


تحيتي

[هند]

أنجرحت جروح وجروحي عجز عنهـا الطبيـب
يوم شاف الجرح ينـزف قـال بعلـن الانسحـاب
الحرايـق وســط صــدري زايــدٍ فيـهـا اللهيــب
والـحـظـوظ الـرديّــه مـــا لـهــا عـــد حـســاب
مـا مضـى لـي غيـر ذكـرى كلهـا هـم ونحيـب
وما بقى لي في حياتـي غيـر كلمـات العتـاب

**
بخيتان اليامي
صح لسانك
أبيات رائعــــة

لك تقديري
السؤدد