ملّ قلب ٍ عذبه صوت الربابه

[الجويّر]

ملّ قلب ٍ عـّذبه صوت الربابه = والحمامه كلّ ماجابت يجيب

من وليف ٍ بالحشا مكـّـن صوابه = مارحم قلب الشقا جرحه عطيب

شدّني باللطف وافجعني بنابه = فجعة الطرقي بعرضات الشعيب

في ثواني هدّ بي كل الصلابه = وموق عيني من عنا روحي سكيب

ضيـّـع اسنيني على لحظة غيابه = وخاب ظن ٍ فيه ماظنـّـه يخيب


-----وسلامتكم


الشاعر / سعود رتيبان الجويّر

[فيصل بن حجرف]

صح لسانك ياسعود
والله يعطيك العافيه على ماتمتعنا به من قصائد رائعه

[عـزام]

سعود

صح السانك واعتلا شانك

ولاهنت يالقرم

[الجويّر]

صحة ابدانكم يالقروم 0 ولبى والله كبد ذالقصيده اللي ردتلي اللقب والله لايهينكم واشكركم على مروركم المشرّف



تحياتي/ الجويّر

[عـزام]

يالجوير لبا والله كلك

والله ناسين يالقرم كثير من الشعار عقب النسخه الجديده ما ضفنا لهم لقب شاعر.

والا أنت شاعر بدون ذا القصيدة واسمح لنا على التاخير.

وصح السانك مره اخرى ولاهنت يالقرم

[الجويّر]

عزام لا ترى كذا كلامك يخليني مثل فص ملح وذاب ماتحمل كلام السحر هذا والله لايهينك على كل حال واهم شي متابعتك وياي من يوم دشيت المنتدى



تحياتي/الجويّر

[محمد آل نصار]

المشاركة الأصلية كتبت بواسطة الجــويــّر

ملّ قلب ٍ عـّذبه صوت الربابه = والحمامه كلّ ماجابت يجيب

من وليف ٍ بالحشا مكـّـن صوابه = مارحم قلب الشقا جرحه عطيب

شدّني باللطف وافجعني بنابه = فجعة الطرقي بعرضات الشعيب

في ثواني هدّ بي كل الصلابه = وموق عيني من عنا روحي سكيب

ضيـّـع اسنيني على لحظة غيابه = وخاب ظن ٍ فيه ماظنـّـه يخيب

-----وسلامتكم


الشاعر / سعود رتيبان الجويّر

السلام عليكم

صح لسانك على هذه الابيات يابن جوير ، ولا هنت يالغالي.

اخوكم

[الجويّر]

صح بدنك اخوي محمد ويشرفنا مرورك ومشاركتك لاكن آل نصار نصار الهادي ولا غيرهم طال عمرك ؟





تحياتي / الجوير