ارجو ان تحوز على اعجابكم
سقى الله ضيك يا شعاع الهـوى المفقـود
سقـى الله ليـالٍ مـع غلانـا سهرناهـا
سقى الله يـوم ان الوفـى بيننـا موجـود
قبـل لا توردنـا الخيانـه علـى ماهـا
وفينا سوى يوم الوفى لـه بلـد وحـدود
وخنّـا سـوى يـوم الخيانـه عرفناهـا
وصار الفراق النـار والملـح والبـارود
وانا اول ظحايا الحرب واخـر ظحاياهـا
مغيـر اتوجـد والتوجـاد مابـه فــود
ولكن شـف وجـد العـروق وحناياهـا
الا يا وجودي وجد مـن طوقـوه اجنـود
ثمانيـن جـنـدي ماتـعـداه مرمـاهـا
ولا يا وجودي وجد نجدٍ علـى ال سعـود
قبل لا معـزي بجـرد السيـف يالاهـا
ولا يا وجودي وجد حـرٍ ولـوه اهنـود
وربعـه تسـد اسموعهـا يـوم ينخاهـا
ولا يا وجودي وجد وجد ايش ؟؟ليش ازود
يكفي وجود الـروح يـوم انـت تجفاهـا
يكفيك تقرا الوجـد بالخافـق المضهـود
وتبكيـك عينـي لا تسمّعـت لبكـاهـا
تحن الدموع البيض فوق العيـون السـود
وقلبي يحد ضلوع صدري على اقصاهـا
واشوف احتقان الدم في عرقـي المشـدود
وقرّب شرايينـي مـن النـار وانساهـا
على هامش الميعـاد يمصبّـر الموعـود
تعنـي نـوال وتذبـح القلـب بغنـاهـا
واسكّر لفرحي كود وافتح لحزنـي كـود
واحالف بـلاد الحـزن والـوذ بحماهـا
مرض غيبتك ماله دوى والجروح اشهود
وانا اعرف مداوي علّتي واجهـل ادواهـا
شوية زمـن وروح للشيـخ ابـن عبّـود
ويفتـح علـي ايـات ربـي ويتـلاهـا
لان المفـارق جـن..ولا عمـل معقـود
ولاّ شفاحـة نفـس والعـيـن تقفـاهـا
على الله علـى الله والرجـا بالله المعبـود
وترضيك نفسي ليـن تسعـى لمرضاهـا
ويرجع زمان اول وعهـد الغـرام يعـود
وتضحـك ليالينـا عقـب مـا بكيناهـا
فديتك تعال ان كنت في خافقـك موجـود
وخـل العنـاد ومتعـة الـروح تلقاهـا
تراك اول العنقود..وانـت اخـر العنقـود
وانا ..شجرتن تورق غصونك على ماهـا
وســــلامــــتــــكــــم
الـشـاعـر : عـايــض العتـيـبـي
30-05-2005, 11:04 AM
العرض المتطور
