الــظـــبـــي الأكــــحـــــل
فز قلبي من مكانه يـوم لاح الظبـي الأكحـل = قلت وشبك قال مدري بس كني شفـت حاجـه
قلت له جادل ومرت وأنـت يالطيـب تمهـل = قال ( ناهي ) وانطلق ما عاد شفت إلا عجاجه
والحقه والقاه واقف في مهـب الريـح يسـأل = حد لمحها؟ والجواب الظاهر معكـر مزاجـه
قلت له وحده مـن الثنتيـن يـا تعقـل وتثقـل = أو قسم بالله لا تِكْسَـر مثـل كسـر الزجاجـه
ما كفاك الجرح فوق الجرح فوق الجرح الأول = وما كفاك الجرح الأول خلف بطبعك سذاجه
قال يا رجال تمزح قلت بـا تنـدم وتزعـل = قال لي عادي ترانـي ماخـذ الدنيـا سماجـه
قال لي طالبك لجـل عيونهـا النجـلا تحمـل = قلت يا قلبي تعبت الله مـن كثـر اللجاجـه
أقبلت تسبق عطرها انتفض قلبـي وأصهـل = قلت وش به قال ما كن الضيا منها انبلاجـه
التفت وأرخى لثامه قلت سبحان اللـي اجـزل = في عطاه اكرم كريم اللي عدل ضلع اعوجاجه
قلت يا قلبي ملاك ٍ قال قد قلـت انـك أهبـل = انت قلبك ذيب ما يخطي الغزال ان جا المواجه
والله إن أجيبها لك تفـرش ورود الغـلا فـل = وأنت خلك محزم ٍ لي لأعلن الشوق احتجاجـه
واحتزم قلبي ودبّر في قُفـى البـدر المْكَمّـل = وقال لا تقلق عليّ الذيب يعرف وش خراجـه
وما خذيت إلا وقلبـي مقبـل وحالـه مبهـذل = صحت وش ذا قال جتني طعنتين ٍ من حجاجه
لكن اني جبتها لك ميته بـك خـذ تفضـل = وانا لا تقلق عليّ الذيب جرحه من علاجـه
19-09-2005, 05:10 PM
العرض العادي
