يا مرحبا بك يا وجه محلف
انت تقصد الشاعر ضيدان بن صبحان الزيزى العجمى
والشاعر سعد بن عبدالله الهتلانى العجمى.
وهما من أشهر ظرفاء الشعر النبطى فى عصرنا هذا ترددت ابياتهما على كثير من ألسنة الناس لما تحوى من طرافة وظرافة وقوة سبك المعانى والشاعر ضيدان ما زال على قيد الحياة وهو كبير فى السن والشاعر سعد عبدالله الهتلانى توفى رحمه الله عم 1991م.
رغم فرق السن جمعت بينهما صداقه حميمه ونادرة ولهما الكثير من القصائد الفكاهية .
وذات مره عرض سعد مشروعا خطر للغايه على صديقه وهذه
الرديه تعد الاشهر فيما يتناقله الناس اذ يقول:*
*
ضيدان ما ودك نشكل عصابه=نحتل بعض بنوكها والمحلات
اما يجي لي والك قدر ومهابه=والا تبيتنا بيات الشريفات
والرجل ودك يشتهر في شبابه=بالطيب والا بالعلوم الرديات
ولا يهتني ف اكله ولا في شرابه=الين تطلع صورته بالمجلات
اما الشايب ضيدان فكان لا بد ان يكون له موقف مخالف
ازاء تهور صديقه فقال:
لا تحسب انا يا سعد وسط غابه=هاللي تراوى لك تراهن عمارات
وموضوعك اللي جبت كله غرابه=والظاهر انه سابع المستحيلات
واخاف لا تنبح عليك الكلابه=ثم هات نسلم من مخاليبها هات
يا بوك ما عمري دخلت النيابه=ومن العمر ما بقي كثر ما فات
وان كان تبغى الراي قبل يغدابه=من واحد جرب جميع الحيالات
خل الخطب للي يعرف الخطابه=نهارنا شمس وفي الليل لمبات
الاخ بن مدهون أرجو ان أكون قد أفدتك فى سؤالك.
لك تقديرى
14-08-2005, 04:52 AM
الشاعر ابن هتلان
العرض العادي
