قصيده لشاعر جابر محمد الغليسي

مداهيل الموت · #1 06-09-2005, 07:11 PM

"بسم الله الرحمن الرحيم"
السلام عليكم ورحمة الله وبركاته..

اول موضوع لي واتمنى ان يعجبكم.

عند الضحى عديت روس الطويلات=اهيض قولي من طويل الشناتير
حافت لولا اللعب في بعض الأوقات=ان اغدي مثل الحطب السعامير
برقّت في الدنيا وريت المهمات=ومن راقب الدنيا يشوف التعابير
عودت منها بالعلوم السهيلات=خليتها كرب وعجز وتنذير
قبلي نشو فيها بحيل وقوات=راحو وهي بقيت وعاد التذاكير
ما دامت الدنيا علي بالسلامات=كل صديق لي ولابه تناكير
فلي دارت الدنيا علي بالقضيات=بان الكذوب وصادقين التسارير
معبر ٍ دنياي والعبد موات=وأجمّل الدنيا بعيشه وتعبير
واصبر على الدنيا بقوالعزامات=واجحد الى جاني من الله مقادير
من ذلة يشمت علي كل شمات=واللي جرى قد صار ما بقي تأخير
لرزاق تاتي من صلا الرب خصات=والموت ما تنجيك منه التحاذير
عينت انا الرجله على خمس شايات=لي قصروا منها الرخوم المثابير
الاوله حامي عقاب المحينات=حامي الذليل من الجموع الطوابير
والثانية من حي بالعز ثم مات=يصبر على الشطات في الشر والخير
والثالثة من كان عنده سياسات=يظهر إلى صكت عليه المسامير
والرابعه لي جا من العي زلات=يدري عليها من قلال التباصير
والخامسه من له على العز صيحات=لي كبرت الحجه يصّعب لشاوير
بعض العوال ايجي شبابه غنومات=وبعض العوال يجيك شر بلا خير
يا الله يا كتّاب حسنا وسيات=يا وارث الدنيا عليك التدبير
تفرج لمن كثرت اهمومه ولابات=والقلب كنه ينطرق واهج الكير
يا ونة ونيتها عشري مرات=ونين من صدري يشادي المزامير
لولا ضلوعي فوق قلبي محنات=بيفر من صدري كما فرة الطير
يا عين جودي بالدموع الغزيرات=ابكي على مافات مالك معاذير
ابكي وانا باون والج بصوات=لج الحمام بعاليات المقاصير
علمي بربعي والبيوت المبنات=في ذي الديار اللي زفت بالمخاضير
واليوم ذي الديرة قفار خليات=دار ٍ تهيض المشتحن مابها خير
هني أبو من شافهم ما بعد مات=في ذا البلاد محيفين دواوير
ناخذ مع اهل العز كيفه وسجات=ونوسع الخاطر بكثر المسايير
من عقب ما كنا بفزعة وغارات=نتبع مشاهي لرض ونغير وننير
قدحنا نعد أيامنا للمعاشات=نكتب الاسامي بين ضابط ومدير
في حكم أخو نوره مسوي المهمات=اظن ما مثله عقب سالم الزير
الله يوفقه السعد والسلامات=ومن سايح الجنه يجيله تباشير