سألت وياليتني ما سألت ..!!!

[مناحي الصميل]

مرحبا
كيف حالكم يالربع انشالله مرتاحين
بأقولكم سالفه حصلت معي وبغيت رايكم في الشخص هذا
قبل فتره تعرفت على واحد سعودي من اهل الرياض بالصدفه في لندن وسولفت معاه وقعدت معاه شوي بس شوفوا اللي صار
انا كنت قاعد في جلسه تحت بالفندق ( اللوبي حق الفندق ) وجاني رجال اتوقع عمره 28 او 29 المهم جلس معي وسوالف انا وياه وطلبت له شاي الرجال حبيب سوالفه ما تنمل بس لما سألته وش انت ؟؟ (( انا كنت اتوقع بيقول اي شيء غير انه عجمي ))
قال انا عجمي !! ( بس الرجال كلامه كلام جداوي وانتوا تعرفون كلامهم شلون كيف ,, مررره حلوو ,, الخ... ))
قلت عجمي مو مشكله (( طبعا قلتها في قلبي ))
سألته : من اي العجمان ؟؟
رد على : ...........!!
قلت ونعم
قلت طيب وش عايلتكم ؟؟
قال : .....!
قلت ونعم !
قلت طيب تروح الوادي ؟؟
قال : وشو ذا ؟؟
(( انا هنا بغيت اصكه بالطفايه اللي بالطاوله ))
قلت الوادي (( وادي العجمان )) ؟؟
قال: اي اي هذا اسمع عنوو بس ماقد جيتو !
سألني : من اللي يسكنو هذا ؟
قلت : بني عمك
قال : وشو ؟ بني عمي كلهم عندنا بالقصيم والمناطق اللي حوله
قلت بني عمك العجمان الباقين
قال : اهاا
قلت طيب من تعرف عندكم بالرياض من العجمان ؟؟ انا اقصد وش الفخوذ اللي تعرفها موجودين بالرياض؟
قال اعرف ((عجامين )) >>> بدليه منه هو ترى مو مني انا
قال اعرف عجامين بس والله ما سألتهم من ايش !!
قلت طيب وش الفخوذ اللي تسمع عنها ؟
قال لا تسألني !! بعدين قال : الا الا الا اعرف آل فلان وآل فلان وآل فلان
(( الرجال قعد يذكر اسامي عوايل ))
قلت يابن الحلال هذولا عوايل انا ابي الفخوذ مثل الشامر والضاعن والهادي والسفران والناجعه ...الخ
قال اي هذولا بس اسمع عنهم بس ما اعرف احد منهم

تكفا يالربع مايرفع الضغط هذا ؟؟؟

[بن عجمـــــــــــــى]

سألته وش انت ؟؟ (( انا كنت اتوقع بيقول اي شيء غير انه عجمي ))
قال انا عجمي !! ( بس الرجال كلامه كلام جداوي وانتوا تعرفون كلامهم شلون كيف ,, مررره حلوو ,, الخ... ))
قلت طيب تروح الوادي ؟؟
قال : وشو ذا ؟؟
(( انا هنا بغيت اصكه بالطفايه اللي بالطاوله ))
قلت الوادي (( وادي العجمان )) ؟؟
قال: اي اي هذا اسمع عنوو بس ماقد جيتو !
سألني : من اللي يسكنو هذا ؟
قلت : بني عمك


لا هنت وسلامتك على كل حال
كل الشكر لك

[قرقاص]

الأخ الفاضل سفراني


تحية طيبة


يمكن يكون الشخص هذا لا ينتمي للقبيلة من الأساس .!!

عموماً أنا سمعت فتوى لأحد المشايخ وعلى ما أعتقد أنه الشيخ (المطلق) يقول أن التسمي على قبيلة أو عائله بغير الأسم الصحيح لا يجوز ومحرم .!!!


معنى كلامي أن ما كل من قال أنا عجمي أنه عجمي أو من قال أنا عتيبي أنه عتيبي .!! هذا والله أعلم



تقبل تحية أخيك




قرقاص

[بنت حمران النواظر]

يا الله شكثر اللي ما يعرفون شي من قبايلهم
بس يعرفون أنهم مطران أو عجمان أو هواجر والباقي
يقول ما حصلي الشرف
take it easy

[الباشا]

بسيطه يالسفراني

جداوي وعجمي ولا يعرف

وذكر القصيم

الله المستعان

من ولد وعاش بالقصيم ولم يجد احد يخبره

طبيعي انه ما راح يعرف الوادي او ..

وعلى فكره هم كثر ...

[بحوور]

ســفــراني


ما شاء الله على اعصابــكـ

مدري شلون ما صارحته باللي

بخاطـــــركـ ..

زي وحده شفتها اسالها عن اصلها

تقول انا عجميه من الهواجر ..!

( عرفت ان الدعوى خرباااااانه )




أختـــــكـ

[مناحي الصميل]

بن العجمي
اشكرك على مرورك الكررررريم
ولاهنت

[مناحي الصميل]

قرقاص
صح كلامك ويمكن يكون مو عجمي بس حب يتلزق والله اعلم
وشاكر لك مرورك الكريم

[مناحي الصميل]

بنت حمران النواظر
اشكرش على مرورش الكررريم
بس انا اول مره اقابل هالنوعيه

[مناحي الصميل]

الباشا شكرا اخي الكريم على مرورك للموضوع
يوم ذكر القصيم دريت ان الدعوى خربانه