حبر الـقـلـم (محمد المجول)!!!

محمد المجول · #1 21-01-2007, 05:13 PM

السلام عليكم ورحمه الله وبركاته

من غير أي مقدمات للقصيده فهي تتحدث عن نفسها

وأتمنى أن تنال إعجابكم

حبر القلم وكتاب أبيض به سطور=نقشت حرفي الزخرفي في سماها.
طولي دروبي في طريق(ن)به جسور=دام الهجوس مرافقي وإبتداها.
خل نضرب القمه ونرجع للبحور=هذي نغازلها وهذي نباها.
نقلط مع النجمه ونسمر مع الحور=أما تقهوينا ونسكن حشاها.
وإلا سبينها في ظلم(ن)مع جور=حتى تقر بسطوتي من أساها.
دام الهجوس مرافقي جيت مجبور=أسعى ورا الفكره وأطلب عطاها.
من طنختي رميت أنا السهم مكسور=لسهيل والقمره وصوب حداها.
نبدا القصيده دون ملعب وجمهور=نعمل بلنتي ثم نضرب جزاها.
عد الليالي وأقظب العلم والشور=اليمنى اللي تقصر إقطع مداها.
لابارك الله في زمان(ن)غدى بور=ياما سقينا وغيرنا هو جناها.
من طالب العليا لاماينزل الدور=يمشي صعيب الدرب يكسر قساها.
وإحذر رفيقي لاتجي درب محذور=دام العفن والسوس خيب رجاها.
بعض القساوس تفتنك دين وطهور=وأحبار في صمت وأدب ماوراها.
بعض الشيوخ تجيك في قول مأثور=أفضل علاج الكي للي بغاها.
الرفقه إللي ساسها منبع النور=ماهمها ليل(ن)تجبر كساها.
والصحبه إللي تنبني كذب(ن)وزور=مسهل تشتتهم لادارت رحاها.
والعذر لأهل العذر منته بمعذور=واجه قساه الريح وإكسرعصاها.
كل شي عند الله في كتاب منظور=إحسب دروبك وإنتبه من خطاها.
لاتقصر الخطوه ولا تمشي مغرور=ترى العرب إتعرف ولاهو يخفاها.
أشباه ناس(ن)تمتلك برج وقصور=ورجال ماتملك ثمنها وبناها.
والفرق شاسع مثل غيمات وقبور=أهل العسر ساس الكرامه بداها.
وأهل القصور تعيش في هم محسور=وأهل القصور تموت محد(ن)بكاها.
إبدأ نهارك رايق البال مسرور=وإبدأ صلاتك وإزهم إللي وراها.
تلقى الحبر وكتاب أبيض به سطور=يملي حياتك حب يسقيك ماها.

بقلم: مــحــمــد الـمــجــول

حقان بن ناصر · #2 21-01-2007, 05:25 PM

حجز اول فاخر

البنت الجزله · #3 21-01-2007, 05:26 PM

الاخ الشاعر القدير ... محمد المجول

قصيده جزله ومبدع في صياغتها

صح لسانك ..

ولا هانك الله

تقبل اعجابي بقصيدتك الرائعة

اختك البنت الجزله

حقان بن ناصر · #4 21-01-2007, 05:27 PM

خل نضرب القمه ونرجـع للبحـور
هـذي نغازلهـا وهـذي نبـاهـا.
نقلط مع النجمه ونسمر مع الحـور
أمـا تقهوينـا ونسكـن حشاهـا.
وإلا سبينها في ظلم(ن)مـع جـور
حتى تقر بسطوتـي مـن أساهـا.
دام الهجوس مرافقي جيت مجبـور
أسعى ورا الفكره وأطلب عطاهـا.
من طنختي رميت أنا السهم مكسور
لسهيل والقمـره وصـوب حداهـا.
نبدا القصيده دون ملعب وجمهـور
نعمل بلنتي ثـم نضـرب جزاهـا.
عد الليالي وأقظب العلـم والشـور
اليمنى اللي تقصر إقطـع مداهـا.
لابارك الله في زمان(ن)غدى بـور
ياما سقينا وغيرنـا هـو جناهـا

الصحفي

يسلامي عليك لين تقول بس

صح السانك يالقرم

ووافيه من وافي

تحياتي لك