..... زين البنات .....

[العرجاني محمد]

السلام عليكم ورحمة الله وبركاته ....مساكم الله بالخير جميعا .

متواضعة من وحي الخيال ..أتمنى أن تحوز على رضاكم .

أبدا بذكر إللي فرض على الملأ فـرض الصـلاة=إللي خلق نفسي ويـدري بمـا وراهـا ودونهـا
بسمـه نسمـي ونبتهـل يالله بإيـمـان وثـبـات=في لحظة(ن) فيها الملأ تخلـف جميـع ظنونهـا
تعمنى سـود الذنـوب الحاضـرات الماضيـات=وترجف ركوني من الندم لا من ذكـرت مجونهـا
ثورة عقل مدري جهل مدري ! وماقد فات مـات=أمسي أمتطي سود الذنوب واليوم أنـا مرهونهـا
جيتك إلهي لك ضعيف وأيقنـت إن مابـه نجـاة=إلا برحمـة مـن لدنـك علـي تهـل مزونـهـا
أدعيك يارب السماء وبكـل الأسمـاء والصفـات=ترزقنـي بتوبـة قبـل روحـي تغـادر كونهـا
وأنا خطاي وزلتي ماهيـب فـي أمـور عايبـات=نفسـي عـن دروب الـردى أحدهـا وأصونهـا
لا نيب قفاي الرفيـق وإن ماحصـل منـي غنـاة=فالكلمة العوجـا عليـه مانيـب اجـر ألحونهـا
ولاني بنقـال الكـلام ولانـي بسمـاع الوشـاة=ونـاس(ن) طبايعهـا كـذا ! الله يكـون بعونهـا
أنـا عنـاي وعلتـي يشدنـي زيــن البـنـات=ونفسي علـى عشـق البنـات يوزهـا ملعونهـا
لا عرضت خطوا الهنوف إللي لها بالحسـن ذات=خطر(ن) على قلـب الخطـا لا تنقلـه بردونهـا
أضيع لا شفـت البـرد يطوقـه جمـر الشفـاة=وأتوه لا شفت الوصوف إللـي قليـل(ن) لونهـا
وهذي سواتي قبل أعرف إن الحسن لـه سيـدات=وإن الدلـع حرفـة ويـا قٌـل الـذي يجيدونهـا
والجادل إللي سطرت في خاطري أغلى الأمنيات=ياليتـهـا ليـلـي وأنــا ياليتـنـي مجنونـهـا
مـن شافهـا ياربعهـا ينقـل لهـا منـي وصـاة=أنا ترى ستر(ن) لها ودرع(ن) لها ويـاااا عونهـا
بس تلتفت لي جعلني مـااذوق حـزن الناعسـات=إللـي دواهـا مايشافـي مـن غميـق طعونهـا
وتراعي إللي من الجفا ما ذاقـت عيونـه مبـات=ونفسه على عيش الجفـا يـا ذلٌهـا ويـا هونهـا
إلى متى ياالغاليـة وأنـا أرتجـي لـم الشتـات=وإلى متى وسدرة غلاك عنـي تميـل غصونهـا
فهل علمتي بأننـي مـن غيـر ماأشعـر يافتـاة=مهذري(ن) بإسمك وأصيـح : لعيونهـا لعيونهـا
لعيون من ذقت الهوى من كفها عـذب(ن) فـرات=إللـي علـى طـول المـدى مابيحـت مكنونهـا
لعيونهـا ولـو هـي تبيهـا بالشجاعـة والثبـات=من دونهـا أثنـي ولـو كـل العـرب يبغونهـا
لعيونها ولو هـي تبيهـا بالسخـاء والمكرمـات=أسوق روحـي والثمـن لمعـة بـراق سنونهـا
لعيونها ولـو هـي تبيهـا بـالأدب والفلسفـات=يا ويش سقراط الغـلا ومـن أنـت ياأفلاطونهـا
لعيونها ماقـد مضـى وماقـد حضروماكـان آت=لإنها حياتـي كلهـا وهـي شكلهـا ومضمونهـا
لبيه ياللي فـي الحنايـا لـك قصـور مشيـدات=يامفرجـة هـم الحيـاة ومفـرحـة محزونـهـا
لبيـه ياوجـة(ن) طفولـي للبـراءة بـه سمـات=سبحان خلاق(ن) جعـل كـل السحـر بجفونهـا
ولبى النحر لا من برق من خلف سود(ن) ضافيات=لا خلت براقه عنـى . روحـي يزيـد جنونهـا
ويالبـى والله ماتعلـق وأخفتـه ضافـي العبـاة=إليا أقبلت وإلا أدبـرت يـاااا عزتـي لمفتونهـا
ليـش الجفـا وليـش البعـد يافاتنـة الفاتـنـات=وأنتـي نزلتي بمهجتـي ميدانـهـا وركونـهـا
أما أحضنيني بالغلا ولمي ضلـوع(ن) عاريـات=وأدري تـرى العشقـة ذبـح ديانهـا مديونـهـا
وإلا بلاش من الغلا وماقد مضـى عديـه فـات=عجزت من كثر الصبر ونفسي قصرت شطونهـا
فمن شافهـا ياربعهـا يثنـي لهـا مـن الوصـاة=إن طولت في بعدها (فـعـذراً ) تـرى بآخونهـا
لإني أنا وبكل صدق أمووووت في زيـن البنـات=ونفسـي علـى زيـن البنـات يوزهـا ملعونهـا

وســـــلامتكم

محمدالعرجاني

[جراح بن ضيدان العجمي]

حجززززززززززززززززززززززززززززز

وربي احسن ماقريت اليووووووووووووووم

ولاقصور في غيررررررررررررك


ولي عووووووده

[صـــبـــــــــا]

العرجاني محمد

صح لســـانك ولاهنت على هالقصيده ...

جزل ولاتحظر الا بكل جزل

سلمت يالقرم....

صح وجدانك

وادام الله الانامل

التي امطرتنا

بهذه الرائعه

شامخه ومبدعه......لا عدمنا هذا التواجد بيننا ..أختك : صـــبـــــــــــأ

[الجويّر]

جيتك إلهي لك ضعيف وأيقنـت إن مابـه نجـاة
00000000000000000إلا برحمـة مـن لدنـك علـي تهـل مزونـهـا
أدعيك يارب السماء وبكـل الأسمـاء والصفـات
00000000000000000ترزقنـي بتوبـة قبـل روحـي تغـادر كونهـا
وأنا خطاي وزلتي ماهيـب فـي أمـور عايبـات
00000000000000000نفسـي عـن دروب الـردى أحدهـا وأصونهـا







ياسلاااااااااااا عليك يامحمد العرجاني وخاصة البيت الذي يلي الابيات هذي :






لا نيب قفاي الرفيـق وإن ماحصـل منـي غنـاة
000000000000000000000000فالكلمة العوجـا عليـه مانيـب اجـر ألحونهـا






واللي زاد الشوق شوقين اللي بيت اللي مذرّي وراااه







ولاني بنقـال الكـلام ولانـي بسمـاع الوشـاة
0000000000000000ونـاس(ن) طبايعهـا كـذا ! الله يكـون بعونهـا







صـــــــــــــــح لساااااااااااااااانك عدد ماسرج كل شاعر مشاعره وأبحر بها







غبت وجئت ومعك اطلاله جديده وفريده من الشعر الفريد







قصيده تستاهل التثبيت والاكثر من التثبيت 0 والله يعطيك العافيه وبانتظار جديدك








تحياتي / الجويّر

[النايفـــه]

العرجاني

صح لسانك

قمة في كل شي

الابداع بكل الاتجاهات الاربعه للقصيده

لا اجد كلمه تقال غير


يا العرجاني انت رائـــــــــع


النايفه

[العرجاني محمد]

الجزل هو حضورك ياجراح بن ضيدان ....مليووووووووون شكر لك على هذا الحضور

[العرجاني محمد]

ومن قال مايهون ياصبا وصح الله بدنك ملاااااايين شرفتيني وشرفتي قصيدتي المتواضعة بمرورك فشكرا لك على هذا المرور العذب

[العرجاني محمد]

حياك الله يااخوي سعود وصح الله بدنك ملااايين ياالغالي شرفتني طال عمرك بالمرور ..


مشكور ياالغالي على تثبيت قصيدتي المتواضعة إللي اتمنى إنها تحوز على رضا جميع أعضاء منتدانا

[العرجاني محمد]

النايفة ياهلا فيك ياالغالية .. مازاد قصيدتي المتواضعة روعة هو مرورك الأكثر من رائع فشكرا لك على هذا المرور

[عيد بن شدقان]

العرجاني محمد

الله الله الله الله
عليك يامبدع
جززززززززززل
صح السانك واعتلا شانك