قصيده تعبر عن نفسهاا
اتمنى انهاا تعجبكم
يا صغيــّــر السن قدرك طاحت أبراجه =الجرح خلــّــى الصخر ينطق ونطـّـقني
خلاص ما عاد تعني لي ولا حــــــــاجـــه=رح جعل ربي يوفــقـــــك ويوفــقـــنـي
من بعد ما كنت نور العمر وسراجه =اليوم صرت الظلام اللي يطــــوقـــنــي
أعطيتك أكثر من اللي كنت تحتاجه = أسرفت في الحب إليــن الحب وهـقــنـي
خلاص مالي ومال الحب وإزعاجه= مالي ومـال الدروب اللي تــضايـقــنـــي
تعبت أضمّ البحر وأهدّي أمواجه = تعبت أجامل وأشوف الوقت يسرقـــني
شكواي للي عليه الضيق وأفراجه = اللي إذا شاء يرحمني ويرزقـــــنــــي
أما أنت يا أبو جبيـــن عقــّــد حجاجه = لاعاد تسأل .. علامك ما أنت طايـقـنـي
الناس كلٍ على دربه ومنهاجه=وأنا عن الناس مابه شي يـــفــرقـــنــي
إلا إني دايم أحب الصدق وأواجه =مخلوووق .. والله على هالوضع خالقني
حتى رفيقي ضماد القلب وعلاجه =على كثر ما أتمسك فيه صدقــــنــي
لو أدري إنه مرافقـــني على حاجه = لــ أمســّــــكه حاجته وأقول فااااارقني
وسلامتكم..
للشاعر : فهد المساعد
12-11-2005, 06:28 PM
العرض العادي
