بسم الله الرحمن الرحيم
مساكم الله بالخير والعافيه .. اولا .. هذي مشاركه طرت لي من بعد ماقريت
قصيدة الاخ حمد المخيال .. واعجبني الموضوع وسويت عليها قصيده خفيفه كيبورديه
اتمنى ان تعجبكم الفكره وتقبلوها وانا رايح اتقبل النقد بصدر رحب ... القصيده تقوول...
بأبدى بذكر اللي خلق أنس مع جان= الواحد اللي له صلاتي وصيامي
يالله يامطلوب في كل الازمان= تاقف مع ابياتي الين الختامي
قصيدة(ن) مرسوله بوسط مرجان= فيها من الجزلات معنى سلامي
تاصل لربعي يام ومره وعجمان= واللي حضر من دون ذكر الاسامي
بأسمي وانا دوحان ابن ال عمودان= ضيف(ن) عليكم يالوجوه الكرامي
من بعدها حبيت اشارك بقيفان= في موقع(ن) له صيت عالي المقامي
والشكر للي اسس وحط عمدان= والمشرفين اللي سعو بأهتمامي
وأنا افتخر بوجودي في هالمكان= شهادته من فوق صدري وسامي
جيته لانه مرجع لقوم راكان= شيخ الشعر الاول ومنبع كلامي
لكن نصيحه تاصل لبعض الاخوان=أحث فيها كل جزل ونامي
العنصريه زايد مجامل فلان= تبعدك عن شاعر على الرد ضامي
يعني انا والقاف وتركيب الاوزان= نفرح بكل من هو صويب(ن) ورامي
وماني بطير(ن) طار من دون جنحان=ولاني مثل مأموم يقلد الامامي
ردي على الناقد صريح(ن) ولو شان= وجهة نظر عنده وله اهتمامي
واختامها لي الشرف وانا دوحان= في موقع العجمان ومره ويامي
وسلامتكم جميع..
05-05-2006, 02:03 AM
العرض العادي
