لغــز جديد حيّر الشعراء في مجلس الأمير

[مـحمـد]

السلام عليكم ورحمة الله وبركاته

هذا لغز خفيف و جديد وصلني وقيل انه طرح في مجلس احد الامراء في السعودية ووضعت له جائزه مفتاح سيارة جيب تويوتا جديد وفاز فيه احد الحاضرين بعد ساعتين من طرحه وقيل انه شيباني من قبيلة عتيبه .

اليكم اللغز :

وش شيء حرمه ربي حرام =مستحيل تعيش من دونه مستحيل
أول اساميه برموز وافهم معانيه=يمشي ولا يقدر يميل

الحل خلال اسبوع

[gravity]

وعليكم السلام ورحمة الله وبركاته يالعجمي

صاحب اللغزمعروف عند اداره المنتدى واللغز ناقص منه بيتين ..
والحل موجود لكن ارجو تعديل اللغز وتوضيحه لان فيه اغلاط بسيطه ..

بترك المجال للشعار يفكرون في الحل ماني بقايلته

لك خالص الشكر ..

[مـحمـد]

السلام عليكم ورحمة الله وبركاته

عزيزتى البيتين الناقصه مجرد كلام عادي يعنى مجرد (حشو)
ومن باب تسهيل الحل على الاعضاء تم حذفها
واللغز مافيه اى غلط وبانتظار المشاركات

[عجمي شد بلد]

السلام عليكم ورحمة الله

حيا الله الربع..

حقيقة لغز خفيف..وبادرة طيبة منك يالمشرف طرح مثل هالألغاز

وانا شفت اللغز وحبيت اشارككم في حله..

انا اعتقد الجواب هو (الدم)

[سعد بن سلطان]

كل الشكر لك العجمي على اللغز



وانا اضم رايي لراي زميلي واقول انه الدم




رفيق الهم

[مـحمـد]

السلام عليكم ورحمة الله وبركاته
عجمي شد بلد حلك هو الصحيح واشكرك على تفاعلك مع الموضوع
والله يعطيك العافيه .

[عـزام]

لا هنت يا العجمى على اللغز ولا اللى حله

بس ما حطيت جيب على اللغز يا العجمى

[مـحمـد]

السلام عليكم ورحمة الله وبركاته

حياكم الله جميعا
وعزام ابشر بالخير وانا اخيك

[الجدي]

الشطر الاول من البيت الثاني ليس على القافيه ولو جبت باقي الابيت يمكن اكون علة خطا
وعتقد ان الدم القرب حل

[فيصل بن حجرف]

السلام عليكم ورحمة الله وبركاته
هذا اللغز للشاعر الكبير حسن بن رحيان
وقد سبق ان ذكره في قناة الكويت في برنامج العزب وهو معروف للجميع
وقد قمت بالاتصال بالشاعر الكبير حسن بن رحيان للتأكيد وقد اعطاني الابيات كامله ويقول فيها :

اسأل العراف عن معنى الكلام= والمعاني بالدلايل والدليل
ويش شي خالقه ربي حرام=مستحيل تعيش دونه مستحيل
بالرموز اسمه وبين للفهام=ماشي دربه ولايمكن يميل
وويش عذرا ماتقوم ولاتنام=بالعمر مره عملها والحصيل
عاريه ومصاحبه كل الانام=وكل شخص مامعه عنها بديل