ماذا يقول من حدث له موقف صعب مثل موقفي.
اخوكم من اهل الرياض ولا اعرف البر الا قريب بما يعني الثمامه من بعد الظهر او الصباح باكرا وعند الغروب اعود لبيتي .
ولكن ما حصلي ان هناك زميل اقدره كثير وغالي علي وهو دوسري من هل الخرج وبدوي واحب البدو عشانه .
له مواقف كثيره ورايتها بنفسي .
ومنها ان زميل جديد جاء من مكه وبعد شهر عرفت منه انا الدوسري سلفه سلفه حسنه مقدارها ثلاثين الف وراتب الاخ الاجديد 3200 ريال .
هذي احد مواقفه الصعبه معي . ولن انساها وانشاء الله اكون قد وفقت في ذكر الاماكن والاسماء.
وقد كرر علي زميلي الدوسر انه يريد مني ان ارافقه الى البر ووافقت .
ولم اعلم ان الرحله سوف تطول الى يومي الخميس والجمعه مساءا .
المهم
واجهته في الخرج وترك سيارتي في بيته (وداخل منزله ) .
واتجهنا الى منطقه تسمى الحظييب وبعدها وبعد غياب الشمس الى العرمه مع طريق منحدر دريب الخيل وهي حلوه في الليل وعند الصباح .
ولكن حدث مالا يحمد عقباه وهو ما دعى قلبي الى دق طبول . تعطلت السياره / الصراحه خفت فنحن يوم الخميس . وظهراً بعد كبسه وسالفه وقصيده هو يعطيني سوالف وعلوم واخوكم ما قصر يسولف حسب علمه ومعرفته فعندي علوم .
لكن بعد عطل السياره راحت علومي .
وهو يحاول ان يجد مكان فيه ارسال فيغيب ساعه ويعود ويطمني ويرجع مره ثانيه .
المهم الساعه 11 ليل والا اخوي رفيقي يطلب من النوم .
اي نوم . وبعدين بكره الجمعه ومواعدا هلي برجع يوم الخميس العصر .
انا حسب ما قالي ولا انساها حول فرع الوادي ( اللي يحول في الدهناء) والحلال الجنوبي والشمالي والشجره المنقطعه .
المهم ان مكانا هو (فرشه الحلال الجنوبي) والعرمه حولنا ولا فيه مشكله .
وكلها تهون اللين طلب مني التوجه معه لبيت شعر في الفرعه السابقه .
واخوكم حتى كتابة قصته هل فرعه والا فزعه .
المهم في طريق ممشانا على اقدامنا طالت المسيره والا وصاحبي ينزف دم من انفه .
وبعدها وصلنا الى البيت الاول الا سوداني وسال وراه عجوز من الهوامل الدواسر وقهوتنا العجوز والسوداني يسال رفيقي قائد المسيره وش مشكلة الدم .
ورفيقي عصبي وقال للعجوز ما عندكم رجال . وش الخوف منه ردت العجوز قالت الدم اللي في ثوبك خافك رهابي . تخيلوا موقفي / وش صار . شوي الا سيارة جيب صحن واصل واسمه البندقاني . وسال عنه رفيقي وهو زعلان قاله السوداني البندقاني وسمعت انه من قحطان منالسوادني ، المهم تركنا البيت ا لاول وتوجهنا الى البيت الثاني ويبعد حوالي 500كم ولم يظهر من بيته فقد وصله ان هناك بدوي وحضري والبدوي فيه دم .
وبعدها سال رفيقي الدوسري عن الجار الثالث وتبين له انهم دواسر فضحك وقالي لا يهمك هنا وصلنا لربعنا من الصخبور الزايد ، ولكن حدث ما لا يحمد عقباه فقد قابلا رجال عمره صغير حوالي 20 سنه من المفترض ان يساعدنا ، لكن كان رده وش اسوي لكم ، وقد سمعت اخوه او ابوه يوم ناداه اللي عندك وش يبون .
عندها زعل رفيق الدوسري وقال انا ما حنا بسرقان انا هل ثمان يالرخمه .وطلب مني ان اتبعه وتبعته وكانت المفاجئه فقد راء رفيقي سياره من بعيد فطلب مني ان ابتعد عن الطريق الردميه حسب قوله ووقف في الطريق وقد وقف كموظف في المطار ويؤشر بيديه ولكنه اعترض الطريق الا تويوتا دبل كبينه (غمارتين) ومحمله باكياس لونها بني فتوقفت السياره الهايلوكس ورايت ان السائق ملتحي من الشكري وسمعتهم رفيقي والسواق يسولفون في الشكري والدواسر وزعل راعي الهايلوكس من مما جرا لنا / لكن مما يزيد في المشكله مشكله وبعد ا ن ارتحت بعد روية الاسفلت ورجوع الارسال الا ورفيقي الدوسري يكلم رفيقا له ويساله وينك فيه ( اخوكم ترك جواله في السياره) ويرد رفيقي طبعا ما سامع ولكن مرتاح بنروح الرياض على حسب علمي ، لكن وفجاه الا ورفيق يطلب من الشكري الدوسري ابن زايد ان يقف هنا فسوف ننزل هنا ( وهنا رايت العجب ) فقد رايت سكة القطار .
وهنا سوف ننزل من السياره المنقذه الى عالما مجهول .
ونزلت ورايت صاحبي الدوسري يشكره على انزاله لنا في منطقه مهجوره .
ما تكلمت السكوت خير من المواجهه فقد سمعت عن امور كثيره . فكيف اترك وكيف لا ازبن وكيف وكيف .
المهم عقب ما حولت طلب مني رفيقي ان ارقى معه اكبر تجمع رملي وحولنا الازفلت ومشيت معه .
وشوي ويحضر ابن عمه وكان يحطب وكانت المكالمه وسبب انزالنا هي المكالمه التي اجراها مع ابن عمه فقد حضر ومعه ابن عمه الاخر وكانوا يقطعون العبلات للدفئه.
فقد حضر ابن عمه وهو ضابط في الجيش وبرتبة رائد ومعه ابن عملهم كلهم .
اخوكم تحلم 100 حلم في هذه الرحله ولكن استفدت.
ومن اراد ان يسال عن من نسى الواجب فيرسل لي رساله خاصه ولكن ما قد تم ذكره هو واقع وصحيح .
اخوكم حب البداوه والعلم الغانم.
كمال6
21-02-2006, 11:57 PM
العرض العادي
