من اجمل قصايد بندر بن سرور

[ولد مرزوق]

مساكم الله بالخير كلن بأسمه
وش حالكم يالربع
ابيكم تعذروني على القطعه ذي
والله لولا ظروفي كان كل يوم داق كرتي عندكم
ومن دون لا اطول عليكم هذي قصايد لبندر بن سرور وانشالله
انها تعجبكم

القصيده الاولى
مـن بـلاد الشـام جينـا بالمكينـة " " فـوق فـرتٍ مـا تخثـع بالطمانـي
يحتدي مثل الجمـل تسمـع رطينـه " "مـع طمـان القـاع مثـل الثعلبانـي
والشُفيـر مـن المـدارس مطلعيـنـه" " عن ظـلام الليـل شـب الكهربانـي
كـل مـا جـاه تـل يلعـن والدينـه" " باليميـن اللـي علـى كـل اليمانـي
ما تجيه يسـار رجلـه شـوف عينـه" " غير يسرى الطـار شـيٍّ بالامانـي
يوم قال لـه الخـوي عاشـت يدينـه" " شد رجلـه للكمـك واحـد و ثانـي
يالله انك تنصره مـن نصـر دينـه " " إن عطى لـه مـع غبـا ولا بيانـي
قلت يالمطنـوخ أنـا عينـي حزينـه" " من شراب اللف أبيـه وعنـك كانـي
قد رمى بالكيـس قدمـي قـال وينـه" " دوك ما بالجيب عـن شـيٍ لهانـي
قلـت ثالـث قـال يالله لا تهيـنـه " "قلت خامس قال يطلـب نقـل ثانـي
قال واحد و الكمـك واسمـع حنينـه" " كيف مـا ترضـى عليّـه بالهوانـي
قلت واحد و الكمـك ضـام المكينـة" " قال لي مـن يرحـم القاسـي ليانـي
قلـت والله يرحمـونـه صانعيـنـه" " قد زعلت من اللهيـب اللـي حدانـي
قال مـا ناثـق بمـن هـم متقنينـه " " عن مشاور غير عرفي قـد كفانـي
قاطع عرقيـن مـادري ويـن وينـه" " قد وصلت الأرض واسمع صوت ثاني
قلـت دوك اللـف خابـوا شاربيـنـه" " غطّني عن شوف شـي مـا خفانـي

القصيده الثانيه :
يا أهل الونيت اللي على دنقله ميم" "نقل الرياض الخط ما توصلونـه

ما رهمو له في الكراجات ترهيم" "ولا قط فـك أديتـره ينفخونـه

والله لو أمسك طارته يالمغانيـم" "ما عاد أقلـد دولـة يصنعونـه

صناعته مخطين ملـة أبراهيـم" "حمران روم لونهم مثـل لونـه


القصيده الثالثه :
واقلبـى اللـي تلـه الـود تلـي" "تل الرشا من فوق ملحـا جلالـه

في غربها تسعين فـري ومشلـي" "وتجفل اليا سمعت ضريس المحاله

من واحـدٍ طـرق عليـه يهلـي" "جدد جروح القلب مع ما جرى له

برمش العيون اللي هدبهن مظلـي" "ضافٍ على بيض المحاجر ضلاله

يابنت عيفي واحـدٍ مـا يصلـي" "تارك عمود الدين مالـك ومالـه

عيفيه لو يفرش لك البيـت زلـي" "من لا يخاف الله حـرامٍ حلالـه

خلـي ملعـن والدينـه يـولـي" "تلقين في نجـد المسمـى بدالـه

وعليك باللـي للجماعـه يهلـي" "اللي كمـا النبـوة منـارة دلالـه

بالرجـل ثنتيـنٍ حداهـن يدلـي" "من كبهن ماهوب ويـا الرجالـه

وان كان مابه دين مع زين دلـي" "جعله من الدنيـا تقطـع حبالـه

القصيده الرابعه :
يالله يا جـال الأمـور المهمـة " " تجلى وهق قلب برى حال راعيه
البر دجته و البحر رحـت يمّـه " " أدرج سبب حظ على الله مساعيه
يوم إن ولد اللاش رزقه على أمه " " رزقي على اللي ميّت القشع يحييه
ماني وانـا بنـدر ببيـاع دمـه " " يقطعك يا بيّاع دمّـه و مهفيـه
اللـي يبيّـع لابسـات الأزمـه " " ثور يبي بيض العماهيـج تغنيـه
يزعل ليا جت ليلة الـدول يمّـه " " يرضى بسوق المال بأخيه و أبيه
خطو البخيل اللي يكبّـر معمـه " " يقرا الكتاب و واجب الله مخليـه
أما هرج له فـي رفيقـه بنمّـه " " والا عطا و أمه تضيّع هقاويـه
يا مل قلب كل مـا مـات همّـه " " دارت دواليب الدهر لين تحييـه
فرّاق شمل النـاس عيّـا يلمـه " " وقتن يشيب الراس من شاية فيه
أحدن ينام و حط راسـه بكمـه " " و أحد تخم النوم عينه و تخطيـه
و أحدن يحاول بالردى بنت عمه " " و أحدن يحاول ستر عذرا عوانيه
تخالف الأنظار شرقـن و يمّـه " " كلٍ هدف رايه من الناس مرضيه
أنشدك ياللـي كـل شـي تتمـه " " تقرا الكتاب كل فـرض تصليّـه
ويش القليب اللي عميـق مجمّـه " " ما سرّ غرسه ماه عطشى سوانيه
سم السبب يا عارفن عنه سمـه " " سم السبب يا عارفه قبل اسميـه

وسلامتكم
وصح لسان قايل القصايد


برجس العجمي

[عيد بن شدقان]

لا هنت ولد مرزوق



وصح السان الشاعر

[عزوف]

يعطيك العافيه يا ولد مرزوق على هالقصائد الرائعه

بـــــــــــس عندي طلب

البيت اللي بتوقيعك حلو


ما قل دل وزبدة الهرج نيشان
والهرج يكفي صامله عن كثيره

لو سمحت اذا كنت تعرف القصيده كامله يا ليت تكتبها لنا اذا ما عليك كلافه لان البيت بروحه رووووعه فمابالك بالقصيده كامله

تحياتي

[ولد مرزوق]

لا هنتو جميعا على مروركم
ويعطيكم العافيه



برجس العجمي

[ولد مرزوق]

مرحبا بش عزوف وذي القصيده الي طلبتيها
وهي للأمير راكان بن حثلين

ياراكب من عندنـا فـوق شقـران
خرزهـا بالخـرج فـوق النجيـره

أوعل سلامي لاخو نـوره ببـرزان
وعقب السـلام تخبـره بالسريـره

من باب عمان اليـا بـاب نجـران
ماهو انا يا الضيغمي انـت اميـره

علـم لفانـا فيـه ليـل وفـوران
استـر قلبـي يـوم جانـا بشيـره

جا من حمود شـوق ميـاح الاردان
هو شوق من تزها الشقايق نظيـره

عضيد اخوه بصادق الفعل ولسـان
ودبولر راس اللي دوابـه مسيـره

فرز الوغا لاجـا ثقيـلات الاكـوان
لاسل مصقول السني مـن جفيـره

خبرتني ياحمود عن طيـر حـوران
يوم علـى عـروا تكسـر عويـره

هلـت مخاييلـه بـدرج وسبهـان
ما ينتميـز وردهـا مـن صديـره

تذكز محمـد جامـع نجـع عتبـان
ذخـيـره يــاوي والله ذخـيـره

الامر قدره الولـي عالـي الشـان
والا عتيبـه ماعليـهـم قصـيـره

كرمان وان ركبوا على الخيل فرسان
اليا اختلط عـج الرمـك بالمغيـره

سبيتنا سـب علـى غيـر برهـان
ماتستـوي هـذا لزبـن العشيـره

وحنـا بديرتنـا ولا حـن بجيـران
في شايه اللـي مايـوازي جويـره

حاميـن ديرتنـا بخيلـى وفرسـان
يـوم ان كـل لـه حـدود وديـره

من زان حنا له على الزيـن خـلان
وضر اليـا حـرك تزايـد سعيـره

ماقـل دل وزبـده الهـرج نيشـان
والهرج يكفي صامله عـن كثيـره



برجس العجمي

[تركي]

السلام عليكم ورحمة الله وبركاته,,,

تسلم يمنااك وصح السان الشاعر

لاهنت ياخوي برجس




تحياتي

[ولد مرزوق]

ولا انت اخي تركي
ولا هنت على مرورك
ويعطيك الف عافيه



برجس العجمي