[font=Verdana]المطيري
سلام رديتن في سدها ما تبيــــــــــح
وقت المواقيف دايم ترفع اعلامهـــــــا
اشوف في الملعبه عربان مدري مسيح
عالم كثيره ولاادري وين حكـــــا مها
الشهري
يامرحبا بك تراحيب تـــداوي الجريـح
مع هبوب الجنوب وطيب انسامــــها
لكن يا ضيفنا سولف وخلك صريــــــح
واحسب حساب البدايه واحسب اختامها
المطيري
دام البقاء يا المرحب تستحق المديـــح
الملعبه طيبه يامطيب ايامهـــــــــــــــا
واقلبي اللي على جمرالمحبه يسيـــــح
لاسلهمت با العيون و فكت الثامها
الشهري
انشاء الله انك تحصل عندنا هب ريح
ان كنت تحشم وجيه القوم واحشامها
مير انصحك لاتضلي للمحبه طريـــــح
اضغط على النفس حيل وجود الجامها
المطيري
لاهنت يا صاحبي وانت كلامك صحيح
لكن لايزيــد مـــدح القـــوم قدامهـــــا
احذر تضايق وخل الصدر ديم سميـــح
وانت وانا من قبايل تهزم اخصامها
الشهري
الا الحمى لاتطبه حيح يا طير حيح
دام الفتن نا يمه ملعون من قامها
خلك على قمة المشراف واحذر تطيح
ترى العلا ء ما يصلها كل من رامها
المطيري
ان كان قلبك من الايام غادي جريح
عود على ديرتك وارتاح بخيامها
حنا قبيلة مطير ونارنا في قديح
وانتم قبيلة شهر معروفن ارقامها
الشهري
قلبت جني بدون ادنا سبب يا صبيح
ما عاد تفرق جنوب الدار من شامها
بيت الشعر والخيام وصندقه من صفيح
هذي نماذج سكن لعراب وخمامها
المطيري
لاهنت لاهنت يا مملوح مدري مليح
الجن نقرا عليها وانت قدامــــها
الذيب يعوي واشوف الداب يصدر فحيح
والناس معروف حاكمها و خدامها
الشهري
اكشف قناعك وخل الهنجمه واستريح
الملعبه يا المطيري تجهل انضامها
حتى ولو كان دمك با النذاله يفيح
يمكن قسم لك بعد قسم من اقسامها
[/font]
بعد هاذي المحاوره والي صارت في جده التقى الشاعران عند تاجر معروف في الرياض......وجرى في مجلسه ماجرى من المحاوره الحاده والتي سوف أحاول ان احضرها في المشاركه القادمه بأذن الله لانه حسب ماسمعت انه كان هنالك شاعر عجمي وعمري والعجمي وقف مع المطيري مما دعى العمري الى الوقوف مع ولد عمه الشهري.......تقبلوا تحياتي
14-04-2006, 11:02 PM
العرض العادي
