اول واخــــر الــــزوار

[كويتي]

هربت من الضياع أبحث خذلني أول المشوار=ترجاني يقول اجلس أمانه لا تخلينـــــــــــي
طرقت الباب يا أمي طردني باب هذى الدار= وقال:أسف ومتعذر أنا مابيك لا تجيني
أنا يا موطني منهو أنا قطعة من الأشجـــار=رمتها الرياح في أرض بهـــا امتدت شرايني
كأني أول الزوار وكأنــــي اخر الــــــزوار=أنا منهـــا تقول أنسى أنا ما شافتك عيني
تمرد داخلي طفل على حزني عزف اوتــــار=يبي يشعرني بجوعـي ويعبث في شرايني
أنا من جوعي الأعمى بنيت من السراب جدار=رغم ذالك اكلت أيــدي وجوعي يلفظ ايديني
رميت ثيابي الرثــة أدور من عراي ستـــــار=لبست ثيابي (السودا) وكانت هي تعرينـــي
عطتني امــي بقايا ثــوب متقطع بدون زرار =خلعت الثوب قطيتـــــــه مدامه مــــا يدفيني
أنـــا من مولدي احلـــم بدار ومالقيت الــدار=وظل الحلــم هو داري وأمالي هي عناويني

تقبلـــــو تحيـــــاتي
كويتـــــــي

[كويتيه]

صح لسانك ويعطيك العافيه

[تركي]

ممتازه القصيده وصح لسانك
لاهنت

[cool]

السلااام عليكم ورحمة الله وبركاااته

أنـــا من مولدي احلـــم بدار ومالقيت الــدار
وظل الحلــم هو داري وأمالي هي عناويني

صح لساااانك كوويتي والله يعطيك العاافيه .


كـووول

[المستشار]

صح لسانك ولد عمي - كويتي - على القصيدة ونرحب دائما بمشاركاتك .

وبالتوفيق

[كويتي]

الله يعطيكم العافيه والله لا يهينكم كلكم
حبيبي والله المستشار ولد عمي

[هند]

الأخ القدير ( كويتي )
صورت فاجدت التصوير ..
ورسمت لنا لوحة رائعه وتحفة كحلت النواظر ..

لك التحية على التواجد الرائع والمميز ..

السؤدد

[كويتي]

اختي العزيزه السؤدد تسلمين على هذى المرور الكريم
اسعدني وعلى الاطراء الجميل ،،

تقبلي تحياتي
كويتي

[شادن]

تصدق اكثر بيت حسيته

قريب مني وكاني انا اللي اتكلم فيه ،،،،،، هذا البيت اللي فعلا عور قلبي

وقلب مواجعي

انا من مولدي احلم بدار ومالقيت الدار=وظل الحلم هو داري وامالي هي عناويني

مشكور على هالكلمات ا خ كويتي مع انها حزنتني حيل حيل

اختك ،،،،، شادن

[ابوتركى]

أنـــا من مولدي احلـــم بدار ومالقيت الــدار
وظل الحلــم هو داري وأمالي هي عناويني

صح لساااانك كوويتي والله يعطيك العاافيه .