الــؤلــؤ المنثور
سريت باليل(ن) انجومه سوات الؤلؤ المنثور=توقد في عطوف رداه الاسود تلهم الساري
سريت لموعد اللي ينتظرني كنه البلور=سريت من الهوى يم الهوى في جوف غداري
ما اهاب من الحيايا رغم انا من روسها مخطور=اخم اخطاي لا تغرس انياب(ن) كنها الحاري
تجشمت المساري فالخطر والخوف والمحظور=سمات العاشق اللي حب يسري الليل جباري
تقابلنا على هاك الكثيب رداه لي منشور=جلسنا فالحرير من الكلام وسلس الاشعاري
يفوح ليا تكلم ثغره الباسم عبير زهور=ترد الروح للي محطم(ن) فالوقت منهاري
جبينه في سواد الليل مثل الكوكب المنحور=نجوم الليل لا منه تربع بينها صغاري
حلي اللي تذير فالخميلة جافل(ن) مذعور =توجس خيفة(ن) واغتاب منها وعن له طاري
اجر خطاي من عنده سوات الذاهب المخمور=يجر خطاه لا منه سرى من دير خماري
تركت القلب له واقفيت حسف وخاطري مكسور=وعزاي ان الله يعيد الوعد ويعود مشواري
براك بن ماجد العاكور البقمي
07-05-2006, 03:28 PM
العرض العادي
