لا صار خـلـّـك مستحق المسـبـّــه%%سبّه ترى العشاق غيرك يسبون

النقال · #1 30-04-2006, 12:41 PM

قصيدة شهيرة وحبيت أنقلها لمنتدانا الغالي.

وأتمنى أن تنال أعجابكم ياأخواني وخواتي

لا صار خـلـّـك مستحق المسـبـّــه=
سبـّــه ترى العشــاق غيرك يسبــّــون

لا آبوه لا آبو الحب من قلب سبـّه=
لا آبو الغرام اللي يحدّك على الهــــون

يا لعن أبو قلب غشيم يحـــبـــّــه=
ملعــون والقلب اللي يغـليه ملعــــــون

أقول من هبـّــاك يا خبل هبـّـــــه=
الدون ما يســلك معــاهم سوى الدون

عزّ الجفا ولا هـــوان المحـــــبه=
مآخوذ من يصـــبر على الذل مغـبــون

أظهر قواة البـأس والضعف خبـّــه=
ترى الضعيف ضعـــيف لا طعـــم لا لون

الرأس ما أحــد يقطــعه غير ربـّــه=
أقول عزّ النــفــس ما أقول لك هـــــون

خلـّــه يولـّــي لا يذلـّــك بحبـّـــــه=
أبعـــد وتلــقــــاهم على البعـــد يدنـــون

وإلا أنت لو ترقـــد وبالعين شبـّــه=
أبرك من الـلــي يجرحــونك ويســـــلون

يا جــاهل إفهـــم خذ من العلم لبـّــه=
إصــبر وتـنــســـى والعذارى ينــســّــون

الرجل عـقــله دائماً قــبل قـــلبــــــه=
مـاهو عمــى بالقلب ومفــتـّــح عيـــــون

لا قدّمــوا حبـّــة تقدمت حبـّـــة=
وإن وخـّـروا وخرت والعــز مضمــون

ترى غلا هالوقت هبـّـة وهبـّـه=
إغـنم هبـــوب الريــح لا تقلــب سكـــون

لا ساعدك حظـّـك تغـانم مهبـّـه=
لا تـرتهـــي يـجـيــــك يوم ويــصـــــدّون

قبل يذبـّــك ناب الأرداف ذبـّــه=
ترى حلاة الرجـــــل طـــاعن ومـــطـعون

كم عاشق خلـّـوه من غير سبـّـه=
يصفق بكــف كف ما يــدري وشـــــلون

ما له جدى يا كــود دمع يكبـّــه=
عليه سيف الهــجــــر والصــد مسنــون

هـــذا مـن أول يـــوم لو دلّ دربــــه=
ما دشّ في دنيـــا المجــانين مجــنون

لـكـن تـبـــع قـلبـه وقـلبــه لعـب بـه=
واليوم يبــغى عون ما حصـّـل العــون

روّض فؤادك يا إبن الأجـواد ربـّـه=
البيض ما يصــلح لهــن كـود فرعـون

وإلا ضعـــيف النفس دايم مسبـــّـة=
ودّك مســـاكين البشــــــر ما يحبـّـــون

وســـــــــــــــــــــــــــــــــــلامتكم

! سيد العذاري ! · #2 30-04-2006, 12:44 PM

لوووووول

تسلم يا خويه والقصيده مشهوره يا غير منو راعيها !!

لا هنت ودوم تتحفنا بالقصيد الطيب

تريكي · #3 30-04-2006, 12:49 PM

أظهر قواة البأس والضعف خبّـه
ترى الضعيف ضعيف لا طعم لا لون

الرأس ما أحد يقطعه غير ربّـه
أقول عزّ النفس ما أقول لك هـون
صح لسانك ولسان شاعرهاااا
لاهنت علي النقل

النقال · #4 30-04-2006, 01:08 PM

اقتباس:

المشاركة الأصلية كتبت بواسطة ! سيد العذاري !

لوووووول

تسلم يا خويه والقصيده مشهوره يا غير منو راعيها !!

لا هنت ودوم تتحفنا بالقصيد الطيب

ولاأنتي أختي العزيزة ومن قال يسلم

أما بالنسبة لصاحبها والله ماأعرفه ولكن بحاول أجيبه

وياهلا وتشرفت بمرورك الرائع

النقال · #5 30-04-2006, 01:10 PM

اقتباس:

المشاركة الأصلية كتبت بواسطة تريكي

أظهر قواة البأس والضعف خبّـه
ترى الضعيف ضعيف لا طعم لا لون

الرأس ما أحد يقطعه غير ربّـه
أقول عزّ النفس ما أقول لك هـون
صح لسانك ولسان شاعرهاااا
لاهنت علي النقل