|
و لا يلعب معى شطرنج لا يلعب معى بيلوت
السلام عليكم وأسعد الله أوقاتكم جميعا..
قصيدة تتحدث عن نفسها لشاعر أنا من أحد المعجبين بقصائده الجميله
فتل:
كذا والاّ كذا..صوت الامل في حيّنا مكبوت=ولا له غير ( نفّاص) العيون و(عضّة) اشفاتي
والى منه حلم ثم قال: بكره يستوي الجلبوت=على شط العداله حكمنا يأتيه كالآتي:
خذوه وكبلوه وعلموا غيره يوطي الصوت=(ولايهرف بما لا هو يعرْف) الاّ بمرضاتي
ولايلعب معي شطرنج..لايلعب معي بيلوت=ترى الاكه وهي الاكه اباكلها بسبعاتي!!
لك الله يا الفقير اللي طواه الجوع ما من قوت=ولا لك من موايدنا سوى عظمين وفتاتي
ولا لك يا المريض اللي طواه الداء غير الموت=والى منك بغيت (تموت) فدخل في مصحاتي
ولا لك يا البريء اللي طواه الظلم لين تفوت=سنين اجمل شبابه غير لكماتي وضرباتي
انا اللي يحكم الضربه وانا اللي يتقن (الشلوت)=وانا اللي مهتوي ظلم البشر من سود نياتي
وانا اللي مستوي عنده كبير السن و(السربوت)=وانا اللي (عالم الذره) حشى ما يلحق سواتي
.
نقض( تناقض) :
.
وانا السامع وانا الطايع وانا الخاضع وانا الممقوت=بعينك يا ربيب الجور يا جبار يا عاتي
وانا اللي اكبر احلامي ابشرب من عصير التوت=وانا اللي حفيت اقدامي ولا حققت رغباتي
وانا الجاهل بعصر العلم ما لي فيه غير بيوت=اركّبها عسى عل وعسى عل وعسى تاتي..
فرج للمكترب واللي قليل الحظ ماش بخوت=وانا المسكين مالي من جدا يا كود عبراتي
ولكن يا فطين القلب يكفي ثم كفاك سكوت=وش اللي تطلبه من سكتتك والاّ من سكاتي؟؟
(فلا تامن فروخ الداب) لا تامن صغير الحوت= ولا تامن ( صغير القوم ) يصدر حكمه الآتي:
خذوه وكبلوه وعلموا غيره يوطي الصوت=ولايهرف بما لا هو يعرْف الاّ بمرضاتي
ولا يلعب معي شطرنج لا يلعب معي بيلوت=
ترى
الاكه
وهي
الاكه
اباكلها
بـــسبـعـــاتــــي
تحياتي للجميع
حسن العرجاني
__________________
إذا المـرء لا يرعـاك إلا تكلـفـاً=فدعـه ولا تكثـر عليـه التأسـفـا
ففي الناس أبدال وفي الترك راحـة=وفي القلب صبر للحبيب ولـو جفـا
فما كل مـن تهـواه يهـواك قلبـه=ولا كل من صافيته لـك قـد صفـا
سلام على الدنيا إذا لم يكن بها صديق=صـدوق صـادق الوعـد منصـفـا
|
02-10-2004, 11:57 PM
العرض العادي
