بسم ربي ببتدي مالك الكون ويديره
واحد ولا غيره احد(ن) عزة(ن) نبغي نعبدها
حدني شي(ن) ورا حدب الضلوع المستديره
هامة(ن) عيت اتطاوع للزمن واللي هجدها
هامة(ن) تكسر جسور الوقت لي في كل ديره
وآتوجد من عنى وقتي على قمة عمدها
وجد حالي وجد من قفى على هم(ن) يجيره
واتلاعبه همومه في ذرى الحزن بنكدها
ياعلي لو خيروني بين جيان(ن) هجيره
وبين روض(ن) لانظرته يسعد الروح بنشدها
كني ابسط في يدي موتي على حدة شطيره
وكني ابكيلي على قبور(ن) كثيره في لحدها
ذاسبب علم(ن) وقالولي توفى ذا نذيره
قلب منهو شدني صوبه وذي غايه قصدها
لاتبسم وابتسم في ظلام الليل حيره
كنه البدر المسمى فالسما لامن صعدها
والزهر لامن نظرها غار من زين النظيره
والربيع اليا دهاه الدهر هي ثمرة شهدها
عينها كن الليالي تجتمع فيها مشيره
بالرحيل اللي بلا رجعه وكافيها مهدها
خصها الله بالجمال اللي كساها بالحريره
الله الباري ولا غيره حد(ن) تمم جسدها
لعنبو منهو حشد بيني وبينه بالمغيره
يحسب انه ظافر(ن )بالمشينه لاحصدها
مادرى انه كاسب(ن) اثم وخطيه بالشويره
لاحسب احساب لذنوبه ولا احصى عددها
جعل ربي يرزق الطيب على حسن المسيره
ويرزق الغادي عن دروب الصحايح مر وادها
06-09-2006, 12:58 PM
العرض العادي
