مرثيه الامير بندر بن سعود بن محمد في (جطلي)

[ابن وردة]

مرثيه الامير بندر بن سعود بن محمد
في المغفور له باذن الله جطلي بن ورده ال سفران

جيناء نعزي جمعكم يا ال سفران===في شايبن انتم وحنا نجله
يالله عسى قبره وروداً وريحان==وفي جنةالفردوس عالي محله
انتم هل الطولات ذربين الايمان===مروين حد السيف وقت المظله
انتم هل الناموس فرسان عجمان===عدوكم يسهر دجاء الليل كله
راسين عجلين على الخيل شجعان ==ماتخظعون انفوسكم للمذله
انتم مثل ماوصف الشيخ راكان===عزالرفيق وسقم منتم عدله
والياعصى العاصي لواهيب نيران==تصهر حديد الصلب دقه وجله
انتم محازمنا على وقت الاكوان===محظوظ منهو حطكم عزوةً له

وهذا رد الشاعر منصور بن محمد بن منيخر بيض الله وجهه
ابو محمد

هذا من ال سفران شكر وعرفان
=عبر الصحف تنشر وعبر المجله
بندر وريث المجد للطيب عنوان
=عزى وعزيناه في شايب اله
في جيتك خففت مخزون الاحزان
=ودرب السنع من طيب راسك تدله
جاذبك رأس سعود مع رأس شقران
=شجره على شبه الجزيره مظله
أنتم هل العوجاء لنا ملوك وخوان
=ومله نبي الله على كل مله
وحنالكم سيف على رأس من خان
=سيف سنين ولاخسر من يشله
عزايتنا في رأس ورده وسرحان
=جطلي وذكر الطيب عادة لة
رحل عن اهله والجماعه كحيلان
=وكم واحد دمعه على الخد هله
منا الدعاء والله يجازيه الاحسان
=يغفر خطاياً سجلة في سجله
الكامل الله ماذكر فيه نقصان
=لو شان وجه الوقت ما شان دله
عسى له الجنة مقر ومسكان
=يالله يا عالم خفايا الاْ هله
يامن خلقت الكون والانس والجان
=تجعل لحد قبره من رضاك فله
وصلاة ربي عد ما كاين كان
=على رسول وضح الشرع كله

[طلال بن قطام]

ابن ورده الله يرحم ميتكم ويطول عمر الحي
وبيض الله وجهك قصيده جميله ورد اجمل
ودعتك الله

[ابن وردة]

الاخ الجارح
بيض الله وجهك والله لايهينك

[مناحي الصميل]

بيض الله وجهك على النقل المميز



والله يرحم العم جطلي ويسكنه الجنه

[النقال]

الله الله


أبن وردة رحم الله ميتكم وأسكنه فسيح جناته وأموات المسلمين


وصح ألسان بن منيخر ورحم الله لأمير سعود بن بندر



ودمت بخير



أخــــــــــــــــــــوك



النقــــــــــــــــــــــــال

[الجديد القديم]

ياسلام صح السان الامير بندر وصح السان منصور بن محمد وبيض الله وجهه
مشكورررررررررررررررر ابن وردة على هذا الموضوع الجميل
الذي يحتوي على قصائد اجمل
ولاتحرمنا من جديدك

[محمد بن فهد.]

صح السان الامير بندر بن سعود بن محمد وصح السان الشاعر منصور بن محمد بن منيخر(شاعر ال سفران) ورحم الله العم جطلي بن ورده واسكنه في فسيح جناته.

[أبـــوسعـــــود]

صــــــح لسانهم على ذالقصايد ....سمو الامير بندر بن سعود بن محمد وصح السان .... شاعر ال سفران منصور بن محمد بن منيخر.
ورحم الله شايبنا كلنا ...ومن طاب من العجمان عليهم شايب ...شايب الجميع .

ولاهنت على النقل يابن ورده .

[آل سفراني]

رحم الله العم جطلي بن ورده وبيض الله وجه الامير بندر بن سعود بن محمد ولا يستغرب الطيب من الطيب وصح السان الشاعر منصور بن محمد بن منيخر ( شاعر ال سفران) وبيض الله وجهك يابو محمد قصيده رائـــعـــــــــــــــــــــــه من شاعر مبدع

[البركان الثائر]

مرثيه الامير بندر بن سعود بن محمد
في المغفور له باذن الله جطلي بن ورده ال سفران

جيناء نعزي جمعكم يا ال سفران=في شايب(ن) أنتم وحنا نجله
يالله عسى قبره ورود(ن) وريحان=وفي جنةالفردوس عالي محله
أنتم هل الطولات ذربين الايمان=مروين حد السيف وقت المظله
أنتم هل الناموس فرسان عجمان=عدوكم يسهر دجاء الليل كله
راسين عجلين(ن) على الخيل شجعان =ماتخظعون أنفوسكم للمذله
أنتم مثل ماوصّف الشيخ راكان=عزالرفيق وسقم منتم عداء(ن)له
والياعصى العاصي لواهيب نيران=تصهر حديد الصلب دقه وجله
أنتم محازمنا على وقت الاكوان=محظوظ منهو حطكم عزوة (ن)له

وهذا هو الرد

هذا من آل سفران شكر(ن) وعرفان=عبر الصحف ينشر وعبر المجله
بندر وريث المجد للطيب عنوان=عزى وعزيناه في شايب (ن)له
في جيتك خففت مخزون الاحزان=ودرب السنع من طيب راسك تدله
جاذبك راس سعود مع راس شقران=شجره على شبه الجزيره مظله
أنتم هل العوجاء لنا ملوك وخوان=وملة نبيّ الله على كل مله
وحنالكم سيف(ن) على راس من خان=سيف(ن) سنين ولاخسر من يشله
عزيتنا في راس ورده وسرحان=جطلي وذكر الطيّبه عادة(ن) لة
رحل عن أهله والجماعه كحيلان=وكم واحد(ن) دمعه على الخد هله
منا الدعاء والله يجازيه الاحسان=يغفر خطايا(ن) سجلت في سجله
الكامل الله ماذكر فيه نقصان=لو شان وجه الوقت ما شان دله
عسى له الجنة مقر(ن) ومسكان=يالله يا عالم خفايا الاْ هله
يامن خلقت الكون والانس والجان=تجعل لحد قبره من رضاك فله
وصلاة ربي عد ما كاين (ن) كان=على رسول (ن) وضّح الشرع كله