احب انا الشعر واهل الشعر وافنونة

[مهرة الصمان]

مساء الخير اهديكم هذه الابيات واتمنى ان تنال اعجاب الجميع:

رتبت الأفكار والأبيـات موزونـه= ابيات شعرآ على شانـك نسطرهـا


الشعر طاروق كلن يختلـف لونـة=جزل المعاني تترجم من منابرهـا


لاوحيت انا الشعر قلبي باح مكنونة = وشلون لاصرت انا اكتبها واسامرها


احب انا الشعر واهل الشعر وافنونة= والشعر احاسيس اترجمها واعبرهـا


مرات اقول الهجيني تطرب لحونـة= وفيني يزيد الطرب لاوحيت سامرها


ومرات لامن سمعت ابيات محزونة= مشاعرآ بالقصيدة لـي بصورهـا


مايعرف الشعر كود اللي يحسونـة= تقرأ الشعر زين ويهيض مشاعرها


ياصاحبي لاتقول البنـت مجنونـة=انت اقرب الناس ليه وانت خابرهـا

وسلاااااااامتكم

[صاحب السموء]

صح الله لسانك

وما قصرتى ووووووااااااافيه وجزله



تحياتى للجميع

[الـــكايـــد]

مهرة الصمان


صح الله السااااااااااااااانش


في انتظار جديدش

[عـزام]

مايعرف الشعر كود اللي يحسونـة=تقرأ الشعر زين ويهيض مشاعرها

يا سلام يا مهره

المبدعه مهرة الصمان

قصيده وافيه

وتعبر عن اللى فى الخاطر

صح السانك ودام ابداعك

[حمد المخيال]

تفاعلا مع الابيات الرائعه للاخت الفاضله مهرة الصمان
وهذا ردي والسموحه تراها كيبوردي

بعثرت الأفكار والأبيات مجنونه = مرسولة (ن) للذي حنا نقدرها
للشاعره اللي تجيد الشعر وافنونه = حتى القوافي تنوخها وتامرها
الشعر دينن وكلن يوفي اديونه = وحقوق غيره نصيحه لا يأخرها
غيري كسر بالقوافي وضاعت ألحونه = والحمد لله يجي عندي وجبرها
من عادني بزر وأخوانه يلاغونه = ادخل ابحور الشعر وغطس واشبرها
لحدن يحورف برمشه ويفضخ اعيونه = نصيحتي بس عينه لا يدمرها
ولحدن يكشر بنابه ونكسر اسنونه = وماكل مره ترى حنا بنمررها
نصيحتي واضحه وهداف مضمونه = قولي يطابق فعالي وانت خابرها
عزاه يالشعر شل وقفت اضعونه = مع ناس راحوا وصاروا في مقابرها
بعثرتها وجاتني الافكار مزيونه = يالله يامدبر الأكوان دبرها
اللي دخل حلفنا والله منخونه = واللي نوا الشر يصبر بس لأخرها
هي هيضتني وباح الفكر مكنونه = ومجنونة الفكر تطمرني وحدرها
بنت الكرم بالستر والعز مصيونه = المهره اللي عليم الله نقدرها

والسموحه على التقصير يالشاعره الفاضله

[نادر بن جخير]

مايعرف الشعر كود اللي يحسونـة
تقرأ الشعر زين ويهيض مشاعرها


ياصاحبي لاتقول البنـت مجنونـة
انت اقرب الناس ليه وانت خابرهـا



صح الله لسانش يالمهره








مبدعه فعلا


ولاهنتي

[عجمي في لبنان]

مهرة الصمان

صح الله لسانج

وفعلا مبدعه

تقبلي مشاعري

[صديق الملك]

ويتوالى هطول عذب الكلمات ...

ويستمر العطاء الجزل ... ويتناثر هديل الحمام على أغصان الأشجار ليجاذب قصيدكِ أيتها الذهبية ..

كأني بالحروف تتسابق أيها يكسب رضى قلمكِ لتكتبيه بين كلماتكِ .. ليفخر ويزهو على باقي الحروف ..

قصيدة لا جديد فيها ... سوى أنها رائعة تُضاف إلى الروائع التي لطالما أتحفتينا بها ...

دائماً أتطلع بين ثنايا صدى المشاعر لعلي أجد جديد المهرة الذهبية ... مهرة الصمان ...

لكِ كامل التقدير والإحترام ...

أخيك .

[عبدالناصر آل عبدان]

مايعرف الشعر كود اللي يحسونـة
................تقرأ الشعر زين ويهيض مشاعرها



صدقتي صدقتي

أختي الشاعره الخلوقه ... مهرة الصمان

صح الله لسااانك وبيض الله وجهك


ودعتك الله يابنت الكرام

[زهير]

احب انا الشعر واهل الشعر وافنونة
والشعر احاسيس اترجمها واعبرهـا

مرات اقول الهجيني تطرب لحونـة
وفيني يزيد الطرب لاوحيت سامرها

ومرات لامن سمعت ابيات محزونة
مشاعرآ بالقصيدة لـي بصورهـا

مايعرف الشعر كود اللي يحسونـة
تقرأ الشعر زين ويهيض مشاعرها

ياصاحبي لاتقول البنـت مجنونـة
انت اقرب الناس ليه وانت خابرهـا


الله اكبر نحن بأنتظارك هل من مزيديارائعه