وينش رايحــه ..

[مناحي الصميل]

اليكم هذه الأبيات البسيطه والمتواضعه ..

جاني خبر عنّك ولاني بمرتاح = وابغي الحقيقه كان عندك حقيقه
جاني الخبر تبغي السفر وقت مسراح = وين انت غادي لعنبو ذا الطريقه
كل(ن) تركني واصبح القلب لحاّح = والدمع في خدي تلامع بريقه
كل(ن) تهنّى بين عيدين وأفراح = والعيد عندي يوم ناظرت ريقه
لبيه ياعنقا تسبب لي اجراح = والهم في قلبي غدا له صديقه
تكفى تعالي واشرحي قلبي اشراح = للطيب في قلبش حضاره عريقه
هذي الحقيقه قلتها صدق وامزاح = تشهد علي مسقط عمان ومضيقه
كل ما ذكرتش راح همي ولا راح = وبغياب عينش قمت احسب الدقيقه
قد قالوا ان الصبح به زين وارباح = لكن ليلي قد تعلّى شهيقه
تكفى ترى قلبي عن الهم بواّح = وعندي على حبش دلايل وثيقه

وسلامتكم ..

[ناصر بن حثلين]

صح لسانك يابوى

[مناحي الصميل]

صح بدنك يابوي
لا هنت على مرورك ..

[الاسـكـنـدر]

صح السانك

[راعي الدهما]

صح لسانك

قصيدة رائعـــة



تقبل تحياتي



راعي الدهما

[ابو راكان *]

كاسب الطيب


صح لسانك قصيده جميله

وجزله من راس جزل

[ضيّ القمر]

كل ما ذكرتش راح همـي ولا راح
وبغياب عينش قمت احسب الدقيقـه

قد قالوا ان الصبح به زين واربـاح
لكـن ليلـي قـد تعـلّـى شهيـقـه

تكفى ترى قلبـي عـن الهـم بـواّح
وعندي على حبـش دلايـل وثيقـه

الشاعر الكبير صاحب البصمه المتميزه في عالم الشعر

صح لسانك وطاب فالك

قصيده جزله ولايجيبها الا جزل مثلك

عشت عشت ولاهنت

تقبل تحياتي وتقديري

اختك ضيّ

[مناحي الصميل]

الاسكندر
صح الله بدنك ولا هنت على مرورك الوافــي ..

[مناحي الصميل]

راعي الدهما
صح الله بدنك
مرورك الأروع ..
ولا هنت ..

[مناحي الصميل]

خالد بن جوفــان
صح الله بدنك يالذيب
ولا هنت على مرورك الجزل ..